يقول اللي سرى ليله يفكر والعباد ارقود سرى ليله وهو مانام طول الليل سهراني انا مبداي ذكر اللي خلقني من عدم لوجود إله الكون سبحانه ما غيره واحد ثاني تعازينا لبومتعب ملكنا واسرة آل سعود وعزي جملة الجمهور من حضره وبدواني فقيد الامة الغالي رحل في يومه الموعود ولي العهد أبوخالد سمي الخير سلطاني دفن عصر الثلوث سيدي في تربته بالعود الا يامل فرقا العين وين افلان وفلاني رضينا بالقدر والموت وارد ماعنه مردود ترى اللي طارق الاول مرده يطرق الثاني سلطان الخير ابوخالد اقوله والعباد اشهود علي إثبات ماقوله علي احضار برهاني سلطان الخير ابوخالد عوين المعسر المنكود عسى ماقدمه سلطان له تثقيل ميزاني الا يالله يالمعبود اسالك يالله المعبود تغفر اذنوب ابوخالد وله بالخلد مسكاني الا يا الله يا منشي سحاب امزونها ورعود سالك عبدك المملوك يا المعبود غفراني عساه بجنة الفردوس يسكن يا وسيع الجود ويقطف من ثمر مالاق من خيرات وحساني وختم القاف لبذكر الله وساله وبذل المجهود يعز الدين والإسلام ويمحى كل عدواني وساله يحفظ العاهل ابومتعب حجا وسنود ولي العهد له نايف وزير الجيش سلماني وكل الشعب وخوانه تراهم للزعيم اجنود عسى الله يحسن النية ويخزي كل شيطاني صلاة الله على محمد عدد مبرض ورق بالعود واعداد برق لاح او هلت غر الامزاني شفيع الناس يوم البعث عند الواحد الماجود إله الكون سبحانه ماغيره واحد ثاني صالح بن فهد بن سبيل
