عسى حياتك يابومتعب مديدة

تباشري بالخير يادار الأخيار
الشعب ينعم والحكومة رشيدة
تفاخري يادارنا سر وجهار
منبع وحي واللي يحكمك وليدة
خيره على شعبه مثل وبل الأمطار
يمنى كريمة والشجاعة رصيده
زعيم ما مثله حكم بين الأقطار
يفخر بشعبه وأمنياته بعيدة
صقر العروبة مبهرِ كل الأنظار
في كل يوم ومكرماته جديدة
ألطف على شعبه من الوالد البار
الجود قمة وأبومتعب حفيده
حبه لشعبه ماسمع فيه بوار
يجري بمجرى الدم داخل وريده
من راس أبوتركي ومن طلع سنجار
رمز الشجاعة والكرم سيد سيده
يادار غني له وفا عشق يادار
غني في أبومتعب تزين القصيدة
يادار في عينه تباهي بالأنوار
زيدي لبومتعب عسى الله يزيده
صميدعِ ماخلق مثله ولا صار
تسامحه عم النفوس الحقيدة
عطفه شمل من خططوا له بالأشرار
حتى عداه من العفو مستفيدة
وان كبرت القولات بيمين ويسار
الكايدة والمعظلة ما تكيده
حكمة وقوة والشجاعة لها أدوار
يقود شعبه وأبوخالد عضيده
ولي عهد المملكة واف الأشبار
سلطان لا قام الضديد لضديده
يعرف بوقفاته مع فزعة الجار
يوم الكويت مذيرِ من حديده
وقف وشال الحمل قنطار قنطار
رجل الشدايد فالسنين الشديدة
والعذر منكم ياطويلين الاعمار
وفاكم أكبر من بيوت القصيدة
أنتم هل الطولات وأنتم هل الكار
وأهل الفعول الثابتات الأكيدة
من دون طيبة والحرم درع وأسوار
باالعروة الوثقى سيوفِ حديده
شبه الجزيرة تنعم بخير الاخيار
عمار يادار الشرف والعقيدة
وامجار ياللي مكرمِ شعبك مجار
الله يمتعك الحياة السعيدة
والله يحفظك عن صواديف الأقدار
وعسى حياتك يابو متعب مديدة
أمين يامولاي علام الأسرار
تحفظ ملكنا والقيادة رشيدة