مشاركة الشاعرذيب العبيدي في حفل دعم شاعر المعنى المهندس علي الشناني اخيل نو والهبايب تسوقه ترزم رعوده في صدوق المخايل بانت مقاديمه ونشى حقوقه ولاحت بروقه والعبيدي يخايل واللي يشوق العين لمعة ابروقه نرجي ثمر وبله يرد الخمايل ويفوح ريح الزهر باجمل نشوقه وتربع اقلوب شغفها الكمايل بالمختصر يامعتلين السبوقه اهل المواقف مضرب للمثايل الماقف اللي كل ذرب يتوقه ماقف عيال مضيم وقت الصمايل يجعل على قلب المعادي حروقه وينومس اهل الطيب واهل الجمايل نجم سطع عالي وبين شروقه وسمه على راس الطويله دلايل شاعر على الجزله تميز طروقه يقدح سطر ويعن شقرالاصايل هذا علي صالح تبين فروقه وجهه بدا بالطيب والراس طايل ومن ينتمي لمضيم شانه يلوقه وانتم هل الردات واهل الصقايل وقفاتكم تعمي عيون شفوقه وافعالكم تبقى ولو طال طايل فزعاتكم والذيب يلوي شدوقه يروي بها الراوي لكل القبايل والبحر يرمي بالشواطي نثوقه مايقبل الميت وثقل العلايل وحنا جبل بامر الولي مايعوقه نسمة هبوب من هبوب القوايل نركي على الكايد ونجهل فتوقه ونطمح على كسب العلوم الاوايل والنخل يزرع لجل تجنى عذوقه والحنظله من يعتنيها قلايل ياهل الرصيد من الذهب وسط سوقه هقوااتنا فيكم على كل طايل تكفون قصوا همنا من اعروقه للمجد يوم وللمواقف شكايل هذا ولدكم والاماني تسوقه عينه على السيف المذهب تخايل جاب الشحم وانتوا عليكم غبوقه وانتوا لها بالفعل والشك زايل واللي نهار الشان يجفل بنوقه نشره على غيره عيال الحمايل اللي على وضحا وثوب سبوقه يطلق رسنها لجل كسب النفايل وعلم من الصمله نثبت وثوقه عليكم الوقفه وهو مايحايل فكو كمامين ملي مغلوقه الوقت حان وماسوى الطيب زايل واللي ربط كيسه وخايف نفوقه لا يفرح بمجد يجي بالسهايل وياهل البشوت اللي من الزري ذوقه خلو البشوت من الطناخه تمايل لا يهتني جفن المعادي وموقه ردوا يديكم صوب زين الغلايل هذا الصحيح ومابغينا نتوقه الزند يقدح واشعلي يافتايل مالرخامه في القحاطين موقه اليا نوو بالشي سوو الهوايل واختامها والمجد لاحت بروقه انا ومالي لبن عمي نفايل ذيب العبيدي
