عاش المليك اللي بالاحسان ملهم

كريم يا غيث على المملكة عم
بيدين ابو متعب تكاشف بروقه
سحايبه من شوفها تجلي الهم
تسقي مرابع موطنه من حقوقه
عاش المليك اللي بالاحسان ملهم
مشاعره تجاه شعبه صدوقه
اخاف أمجد سيرته واتلعثم
مجده بقول وفعل صعب لحوقه
قبل امس زاد الدخل بالكيف والكم
زاد الرواتب واسعدتنا فروقه
والخير جاي ان قالها الله وتمم
يصبح كثير المال محد يحوقه
الشعب كله بالرفاه يتنعم
في ظل حكم أهل اليدين الرفوقه
صقر العرب في كلمته للوطن تم
خلي المواطن والوطن وسط موقه
حب المواطن فيه يجري مع الدم
مع حب دينه والوطن في عروقه
عذب قراح لكافة الشعب بلسم
هداج ينضج والكرم في طروقه
أحلى من السكر وبالمر علقم
للغادر المكار سم يذوقه
للمعتدي بالذات موت محتم
وللشعب والاصحاب نفسه شفوقه
عرش الزعامه تحت هامه تكرم
اطلق زعيم ابلا منازع يفوقه
مقدام ضرغام مديد محكم
شعاع شمس نستنير بشروقه
لكيد العدا في مسلك العدل ما هتم
تثبت خطاه وركب مجده يسوقه
على طريق العز والمجد يقدم
لاقدم ما قدمه مقام يعوقه
سنايده في حزة الضيق لاقدم
اخوان نوره كاسبين السبوقه
والشعب بامره لاومر قال له سم
حبه لجل طاعة مليكه يشوقه
فيه الوفا صافي مثل صافي الجم
يكنِّه الرجال باقصى خفوقه
ورث مع الاجيال للخال والعم
غرس من الاجداد طابت عذوقه
من عقب ابوتركي لشمل العرب لم
صف التلاحم ما تبين فتوقه
قدر الوطن واهله كما عالى الشم
لو قلت مهما قلت ما وفي حقوقه