يا الله تعافي ولي العهد

بدعت الأبيات يومه زان طاروقه
قلته بسلطان شيخ ضافي فيه
القلب من فرحته تنبض له عروقه
ورياضنا مع جنوبيه وغربيه
بنو نشا من تهامة تكشف بروقه
منه الشعوب المحايل ربعت حيه
مدنه مع قراه مع بره ومع سوقه
كلن يهنيه بنجوح العمليه
يا الله تعافي ولي العهد من عوقه
كفاف دمع اليتيم اللي فقد حيه
ينثر له الورد بزهوره وزملوقه
في رجعته بالسلامة للسعوديه
يا علها فرحة (ن) كالشمس مشروقه
والناس ولهه على شوفه شقاويه
والحر من فرحته له ينتق سبوقه
كل الحرار كفخت له زود حنيه
وله النخل في جريده تومي عذوقه
وفرخ الحمامه بعشه يعزف غنيه
يا خو فهد لك نعد الصبح وشروقه
ولك النحل بالعسل صفى لك خليه
تزهى لطاروق شعرن جاء على ذوقه
مثل الذهب بغالي الألماس مكسيه
القاف في سيدي يزين مطروقه
ان قيل مسحوب ولأ قيل رديه
الحاكم اللي خذا من حاتم طروقه
هو شاربه شربة العطشان للميه
يمناه ترخي العطاء ما صك صندوقه
والي يجيله يروح يديه ممليه
ويقود جيش يدق الحزم وعروقه
لامن رفع قدمها علم السعوديه
شيخ على شعبنا ما غمضت موقه
الراس طايل وهاماته رهاويه
يا نسل عود (ن) تعبت الهجن من سوقه
اللي حمى دارنا بره وبحريه
عساه في الجنه اللي نورها فوقه
في جنة الخلد والسيات ممحيه
وضحى عبدالله السهلي