قصيدة للشاعر ذيب العبيدي فى حفل الشاعر مضواح بن شتوي

جديد الشاعر ذيب العبيدي في حفل زواج الشاعر مضواح بن شتوي
الليل غير وكل شي هنا غير
حتى شعوري غير ماهو بعادي
الطيب واحساسي وعوج الطوابير
فيها جنون الشعر غاية مرااادي
صحيح ماني في ضواحي اقادير
ولاني بمتقمص مشاعر عبااادي
يعني جنون الشعر نكف ومدابير
بين الفياض المربعه والعرااادي
خذتني اجنون ابن سمحه مشاوير
وافكار ابن ريفه لفكري تنااادي
تاخذ من انفاسي غرور الاعاصير
وتعطي من الشعله نسيم وبراادي
غنة من الطنخه وشلت مقادير
وانا من الطنخه بلادي بلادي
شايش ومتسلطن وفيني سعاطير
واشوف كبر اطويق كنه جرااادي
واللي على الجزله يسوق المداوير
يشرب من الجمه بليا مدااادي
وانا شربت العذب من جمة البير
العد عدي والمشااارب عتااادي
ارد وانا راهي ولو هي مصادير
ارضي شموخ الشعر وارضي عنادي
وان جاء لزومي هللي ياتباااشير
في واجب الغالين يقدح زنااادي
والليل واجبها يفوق المعااايير
عيد يصنف من كبار العيادي
سلااام ياحفل الرجال المناعير
اهل السلوم البينه والمقاااادي
تسليمة ترقى على قمة ااالنير
فيها وفاء واحساس غير اعتيادي
تضفي عليكم يالوجيه المسافير
فيها عبق عسجد ونفلً وكااادي
حفل الحباب الشوس قيف المغاوير
ذروة سنام المجد واهل الشدااادي
في شان ابو نايف زبون المخاسير
مضواح ابن شتوي سليل العواادي
مااانقصر الخطوه بكثر المعاااذير
حسب الوف والطيب حسب اعتقادي
جينا من اقصى الارض حب وتقدير
واللي مثل مضوااح ينصى وكاادي
خولان ابن عاامر رهيف البواتير
حراً مضرا دايماً بالهدااادي
اصوك شناره يشبه لسالم الزير
واخلاقه العليا تحااالي المهادي
نبراس عرف وتنشرح له لسارير
طلق الحجاج ودون ربعه يفادي
قاموس علم ومعرفه بالاساطير
والشعر له بصمه وفعل ريادي
خاله مقر الطيب ريف المعاسير
يحي ولد معجب سخي الايادي
وربعه هل الطالات وان قلت لاضير
ذيعوا على التلفاز والا الروادي
اهل القناء والسيف قوماً مصاطير
ذخر قحطان وللمعادي نكااادي
وان ذكروا اهل الطيب وهل المظاهير
ربعي عبيده والمقااام السيااادي
افخر بطاريهم وافك الازارير
ويزيد نومااسي بليا اجتهاادي
الاد سلمان على الشر والخير
ريف اقحطان وسم كبد المعادي
عنهم سلامي وصل من دون تقصير
للي حضر واهل السيوف الحدادي
وختم الكلام اعداد نبت النواوير
صلوا على طه شفيع العبادي
الشاعر ذيب العبيدي