شاعر الهلال " سليمان محمد الشدوي " يرد على شاعرة النصر " الجفول "

رد الشاعر سليمان محمد الشدوي الشاعر المميز على الشاعره " الجفول " الملقبه بشاعره النصر اثر نشرها قصيده هجوميه على نادي الهلال السعودي فلم يكن التنافس بين نادي الهلال ونادي النصر مختصرا فقط في المستطيل الاخضر فلقد انتقل " ديربي " الحماس والاثاره الى الساحه الشعريه بين شعراء الناديين ليمتزج حماس الكورة بالشعر فهذي ابيات شاعره النصر " الجفول " :
سلم على الحكام بيض الأيادي
يامعدي السبعين لاباس لاباس
يوم النصر يلطمك بين الثنادي
روح شبابك ماتهنيت بنعاس
ويوم انها صارت بليا حيادي
ولاعاد به عدل ولا عاد مقياس
عادي تحدى بالزمان الرمادي
بس الأكيد إنك تذكر هكا الراس
وأهدافها اللي فعلها غير عادي
صواعق حطت بكم كل وسواس
دور لها فيكم قوي ريادي
أتعب خطاويكم إلى قطع الأنفاس
وكمل عليكم بالجنون القيادي
الذيب الأمعط منبع الفن، الألماس
وها هو الشاعر سليمان محمد الشدوي " شاعر الهلال " يخط لنا ابيات قويه وثائره كثورة مدرجات جماهير الهلال في الرد على قصيده الشاعره " الجفول " فإليكم الطوفان الازرق المثير من الشعر لابيات الشاعر المتميز :
حي القصيد اللي علينا ينادي
..........وحي الهجوس اللي تدرّج على ساس
اضحك ولاشيئاً يكدر فؤادي
.............مادام الازرق معتلي كل مراوس
نادي وجمهوره ينال المرادي
.................... له كلمة ً عُليا / وهيبه ونوماس
فريقنا ماهو لنجم ً احادي
.............وماهو لحيا الله /من اشكال واجناس ..!
تتعاقب الأجيال / رايح وغادي
.................اذا اعتزل قرناس / يخلفه قرناس
وياصوت للافلاس رايح وغادي
......................اافلاسكم ماعاد شي بعده افلاس..!
للقافله( واحد وتسعين) حادي
.......................ولايوقِف ركبها دق الأجراس
والظلم والتحكيم حسب اجتهادي
................حجة (قليل الحيل) في كل مجلاس
تاريخكم : معروض ضمن المزادي
.................من قمة الاحباط / الى قمة الياس
امجادكم: من قبل عهد الروادي
............يوم ان بعض الناس يضحك على الناس
واحلامكم: تبقى بسجن انفرادي
.....................قفل عليها الموج الازرق بترباس
فريقكم: من دون كل النوادي
....................مسموح لو يلعب له اثنين حراس
يالله دخيلك / والمرض بازديادي
.....................امراض نفسيه /وسكر/ ووسواس
لو نادي التصويت / يلعب ب..وادي
.....................مايكسب الدوري/ ولايكسب الكاس
وياراشد الراشد /ترى النور بادي
...................هبت هبوب الفخر/ مع كل نسناس
الوسم جمره / والقنص بالركادي
..............والشعر له احساس/ ويوصل احساس
منطق (هلال المجد) منطق سيادي
.....................يرقى على منطوق هايس وهياس
والله يعين اهل الغضب والعنادي
..................مقرطسين عقولهم جوف قرطاس
جبت الكلام اللي عليه اعتمادي
............... واشعلت في درب المتاهات نبراس
نادي تميز عن جميع النوادي
...................ونادي لمقياس الفشل/ خير مقياس ..!!