ابوي ضلع(ن) نايد(ن) ما تجونه قصيدة للشاعر ناصر آل جمان

ابوي ضلع(ن) نايد(ن) ما تجونه
1-يا من هو اللي للحكم ينشدونه=ان ابحلوا بالرأي كل المناديب
2-ويا من هو اللي بالنقاء يذكرونه=ويامن هو اللي جل علمه تجاريب
3-ويا من هو اللي فزعته ينتخونه=ان جا لدهام المحاجي مطاليب
4-ويا من هو اللي لابته يفقدونه=واللي حضر كفى بكل المواجيب
5-هذاك جدي يقصر الحكي دونه=*لو دوروا فاهل الجمايل عذاريب*
6-بو نجف جدي والعرب يعرفونه=انشد مع الاجواد شرقآ وتغريب
7-نجفه من العدوان ما جاه كونه=الا من الجلطه حصله تسابيب
8-ياكم خصيمٍ جرعه من غبونه=في محضرٍ جاء للدعاوي مثاليب
9-شؤن الرفاقه ينقضي قبل شونه=يركض ولا يحسب كبار المتاعيب
10-وابوي ضلع ن نايد ن ما تجونه=ماهو بجافي راعي العز والطيب
11-في خدمته مفني شبابه وعونه=ان جاه من عوج الليالي مكاريب
12-ان جات من حفه يخلص ديونه=وان جات من ربعه سترّها جلابيب
13-ابوي ما خيب لجدي ظنونه=والشاهد الله ربنا عالم الغيب
14-ياكم على دنياه تثمر غصونه=وياكم بعد فرقاه ذكره تعاجيب
15-ما تقنع الاشعار بالعذر دونه=مادام جدي شالح وابوي له ذيب
16-الشعر ما تخفى علينا لحونه=لو كان ما تحكم حروفه الأساليب*
17-بعض العرب هرج العرافه يخونه=وينزله من عالي الضلع لشعيب
18-طرد الحكاوي واضح من زبونه=ناسٍ على ذيول السوالف مقاضيب
19-برطم زمنا منشرم من سنونه=وايديه تمسك باللحا والتلابيب
20-ما عاد به شي يجيك بيكونه=العد صافي وابتلته الغثاريب
22-شيئاً طبيعي يالردى لك نمونه=والموت يا عبدان قرب المشاهيب
23-من ينفرد بالرأي تكثر غبونه=والشك همه فالصدور المحاضيب
24-ويبقى اشداد اهل المعزه زبونه=من يكسب العليا على خير ترتيب
25-ويارب ترفع منزلٍ ينزلونه=في جنة الفردوس موعد الاصاحيب
شعر /ناصر آل جمان