وايْدح بفكري حمام وطارت فلول قصايدٍ لامستني يوم تنقال يا ويلكم ما بقي للفارس خيول ورماح الأفكار تنزف جرح خيال جريح يالصمت لو رتبتني قول وأنا آترتب على سرجوف الامال الليل غربة حنين وريح عطبول وهناك نورٍ على سجادة البال هْناك ينبت حنين ال شيّ مجهول هنا خطاوي وصمت وربكة أزوال هنا نما قلب والشباك مسؤول هْناك يورق حنان ٍ ما له وْصال والحب بذرة وفا والقلب غرمول على تراب الجفى والساقي اللال وانته يابو ضحكةٍ فيها من اللول لمعة غرور ٍ تفوح ب شمع عسال زاويك شبرين خصر وردف معزول والخد يزهى زباده حبة الخال في صدرك يسيل عقد وعقد مشلول من صدرك يْسيل عقد وعقد ما سال قل للهدب لا يسلهم لي على طول ما اتحمل اهبال عينك من ورى الشال وعيونك اللي تعبّث حكي وتقول دخيلها لا تسولف يكفي هبال والله يا ليل ٍعلى متنيك مجدول ل اسهرك واصبحك لو ما تشبع جدال والمحبس اللي برق ف اصبعك مذهول يخيله ويغبطه فالساق خلخال والباب مقفول ليه الباب مقفول؟ وانت ل حنين الصدر ملفى ومدهال كم يشتهيك السهر في شارع شعول وانا على قارعته اتشرب اطلال ف ارصفته اتخيل الشباك مدهول احلام عيني وانا للحلم ميال ف ارصفته اشم ريحة موت مقتول والقاتل الحب! ليت الحب رجال والله لا آخذ نقى أهل الحب وآنول من قلبه اللي يعذبنا ولا زال والجادل اللي مهرها سيف مصقول تمر! ينزل مطر وتورّق اجيال والحال مستور لا تستجدي حلول قبلت قسمي معك في كل الاحوال مشاعري غفل والتحنان حنشول والقلب عابر سبيل وعطرك اغلال والهجر حزمة عذر والوصل مخذول يوم الصدف تنتحر عنوه وتغتال متغربين وبلا موطن ولا زول يقاسم الصمت فينا بعض الأهوال والحب طفل! ودمْي والقلب زهمول الله يجازيك ياللي ما لك إقبال طار الك طاير غلاك وعاد محمول على نعش صدك الجاير يا محتال بستانك الحسن والحرمان مخيول وطيور شوقي مثل مرجوحة اطفال ما عمره الحب يوصل عبر مرسول ولا يبرر دعاوي الحب مرسال يا كيف تبغى الرسايل من بعد حول تشفي غليلي يا زارعني على الجال رح ما معي فيك لا حيلة ولا حول رح.. وانتبه لا تخليني على الفال
