شعبان عبد الرحيم يغني للطماطم: "حتى انتي يا قوطة.. بتذلي فينا ومبسوطة"

الأغنية دعوة إلى خفض سعرها

انتهى المطرب شعبان عبد الرحيم من إعداد أغنية للطماطم بعنوان "حتى انتي يا اللي اسمك قوطة" من تأليف محمد حسن الشرقاوي، وقد تم تأليفها وتلحينها وغناؤها في يوم واحد، وسيتم توزيعها على الفضائيات خلال أيام.
ونقلت صحيفة "المصري اليوم" عن شعبان قوله: هدف الأغنية خفض أسعار الطماطم، حتى تكون في متناول الجميع.
وتقول كلمات الأغنية
"حتى انتي ياللي اسمك قوطة.. بتذلي فينا ومبسوطة..
حرام عليكي يا مجنونة.. خليكي عاقلة ومظبوطة..
عاملة لنا أزمة وشبورة.. وبقيتي في السوق مشهورة..
وكل يوم طالعة في جرنال.. ونازل لك كام صورة..
بقى ليكي سعر وليكي قيمة.. يا مفعصة وعاملة سليمة..
مش بعيد بعد شوية.. نشوف جنابك في السيما..
من إمتى وانتي بعشرة جنيه..
والناس غلابة هاتعمل إيه..
بقيتي أغلى من التفاح.. ومنفضة لنا وعاملة بهية..
مجنونة أكتر من العادة.. والحالة جات لك بزيادة..
يا رب أشوفك يا طماطم من السراية (مستشفى الأمراض العقلية) واخدة شهادة..
ده حتى شكلك مش هو.. وبايظة خالص من جوه..
رضينا وانتي معاندانا.. واخدة الأمور عافية وقوة..
حرام عليكي خنقتينا وبأي حق تذلينا..
من بعد ما دخلتي في أزمة.. الكل بقى يلعب بينا..
هانشتكيكي يا قوطة لمين".
كان سعر الطماطم في أسواق القاهرة انخفض إلى 5 جنيهات للكيلو، وذلك بعد أن وصل 10 جنيهات، وتم طرح الكميات المدعمة للحد من جشع التجار.