(شعبولا) يغني ل (الطماطم) معاتبا على ارتفاع سعرها

تفاعل المطرب الشعبي المصري شعبان عبد الرحيم (شعبولا) مع أزمة ارتفاع أسعار الطماطم في مصر بصورة غير مسبوقة، وأعدَّ أغنية عاتب فيها الطماطم على ارتفاع سعرها الذي فاق أسعار التفاح ومعظم الفاكهة، وناشدها التخلي عن جنونها، والعودة إلى رشدها، حتى تكون في متناول الفقير الذي لا يمكنه الاستغناء عنها في إعداد طعامه.. وقد استعان (شعبولا) بالمؤلف محمد حسن الشرقاوي لكتابة الأغنية التي جاء عنوانها (حتى إنتِ يا اللي اسمك قوطة)، ومن المقرر عرضها قريبا على الفضائيات.
تقول كلمات الأغنية:
حتى إنتِ ياللي اسمك قوطة.. بتذلي فينا ومبسوطة..
حرام عليكِ يا مجنونة.. خليكِ عاقلة ومظبوطة..
عاملتِ أزمة وشبورة.. وبقيتِ في السوق مشهورة..
وكل يوم طالعة في جرنال.. ومنزلك كام صورة..
بقى ليكِ سعر وليكِ قيمة.. يا مفعصة وعاملة سليمة..
مش بعيد بعد شوية.. نشوف جنابك في السيما..
من إمتى وإنتِ بعشرة جنيه.. والناس غلابة هاتعمل إيه..
بقيتِ أغلى من التفاح.. ومنفضة لنا وعاملة بهية..
مجنونة أكتر من العادة.. والحالة جاتلك بزيادة..
يا رب أشوفك يا طماطم من السراية واخدة شهادة..
ده حتى شكلك مش هو.. وبايظة خالص من جوه..
رضينا وإنتِ معندانا.. واخدة الأمور عافية وقوة..
حرام عليكِ خنقتينا.. وبأي حق تذلينا..
من بعد ما دخلتِ في أزمة.. الكل بقى يلعب بينا..
هانشتكيكِ يا قوطة لمين