عذوق النخيل

يا مقيله ما عاد في ظلي مقيل
شدي رحالك وارحلي يا مقيله
قلبي صبر والصبر قد قالوا جميل
سنين وعروقه عليك مميله
شال التعب لكن تقاسمنا الحصيل
شوي لك (وشوي لي) وشوي له
شح الزمان وطاحت عذوق النخيل
والبرق مقفي والعيون تخيله
انا الكريم اللي على نفسه بخيل
ياللي كثيرك باخله بقليله
ياللي بخلتي في دلال الزنجبيل
وشلون لو ان الدلال مهيله
القلب يبكي لو عيوني ما تسيل
كلش ولا دمع العيون اسيله
يفرح بي الشامت ويزعل لي خليل
ارحل وسري بالخفوق اشيله
نظمت (قاف - فاق) والساعي دليل
في طرقته باسمي يجيك مذيله
محمد بن مصوّي