الشاعران الكبيران سعد بن جدلان وسالم بن جخير يُحضران الشعر بكامل قوته وأصالته وجزالته في مهرجان \"بريدة وناسة \"

حضر الشعر في بريدة بكامل قوته وأصالته وجزالته وجماله وقمة رونقه وذلك في أمسية رائعة من الأمسيات الشعرية ضمن مهرجان صيف بريدة الترويحي 30 " بريدة وناسة " عبر شاعرين كبيرين صنعا اسمهما في سماء الشعر الشعبي بقصائدهما التي عرفهما بهما الجمهور وتميزت بإيقاعات خاصة بكلٍ منهما وهما الشاعران سعد بن جدلان وسالم بن جخير ، فالأول هامة في الشعر والثاني " وكيل الجزالة المعتمد " كما أطلق عليه جمهوره ، وبطبيعة الحال فلم يكن الشعر لوحده حاضراً بل تسابق جمهوره الكثيف وعشاقه إلى مقاعد مسرح الملك خالد الحضاري في بريدة متعطشين لسماع الشاعرين اللذين لم يخذلاه ابداً بل كانا على مستوى عالٍ من الإبداع والإمتاع .
الأمسية بدأت بتألق معتاد لعريفها الزميل عبدالكريم اليوسف الذي قدم للشاعرين على التوالي وبعد صعودهما على المنصة سنحت الفرصة بمصافحة الشاعر بن جدلان لجمهور المهرجان شعراً إذ قال :
لا إله إلا الله اللي واجب توحيده
كل مانمسي ونصبح لا إله إلا الله
يسلام الله لحاضر مهرجان بريدة
يسلام الله على شعب الجزيرة كله
ويسلام الله لصرح شامخٍ تمديده
ويسلام الله ليعاش الملك عبدالله
ثم بدأ الشاعر سالم بن جخير قصيدته الأولى بأبيات في مبايعة خادم الحرمين الشريفين مطلعها :
أعوذ بالرحمن من كل شيطان
ومن الغدر ومن الحسد والعمايل
والى ابتدى ليل القصايد والألحان
بديت واشفيت النفوس الغلايل
وانا ماشوش الا على صهلة حصان
وعلى عزاوي ناقضات الجدايل
إلى أن قال :
عليك ياعز العروبه اكحيلان
عز العرب رمز الوفا والجمايل
ملك ومتواضع وللعز عنوان
حذفك بعيد وشبر يمناك طايل
اسمك الحاله يرجح بكل ميزان
وذكرك مابين الناس صايل وجايل
وعاد الميكرفون للشاعر بن جدلان الذي ألقى قصيدة له مطلعها :
لا إله إلا القدير المعطي الوهابي
الخضوع لسلطنته وكبرياه ونوفه
كل ما تحته على وجه التراب ترابي
المعزه والمذله من رجاه وخوفه
تب علي وأنت الودود الغافر التوابي
وأحمني من كل زله منطقٍ مزهوفه
في السوالف والقصايد سلبي وإيجابي
وفي ردود أفعالها محموده ومأسوفه
وقصيدة أخرى من أبياتها :
الحب حب الوضح كب الخراميط
لا قابلت مثل النصوب المصاليع
كنها تخطط بالمجكات تخطيط
بعيونها و خشومهن و المراضيع
يا زينهن تطرد نبات الشواخيط
زمّت دبق ريضان و لا طواليع
هذي تبين لك و داد المسافيط
وهذي تبين لك وداد المواجيع
وعاد بن جخير ليلقي قصيدة وطنية من أبياتها :
ياهل الغدر والجهل واهل النفوس الضعاف
قدامكم روس قومٍ تفتل اشنابها
ناطى عليكم مثل وطي الجمل بالخفاف
وفصدوركم كل شلفا تبلغ انصابها
رؤوسكم اينعت وحان وقت القطاف
والسيف الاملح يقص الروس برقابها
تبغون ترويع الامن وزعزعة لإتلاف
بدري مادام البنادق رهن سبابها
المملكه في حمى الله والسيوف الرهاف
تخسون عنها وعن تدنيسة اترابها
الله واكبر سعي والله واكبر طواف
حنا ذرى الدار واهل الدار وادرابها
وواصل بن جخير تألقه وإبداعه بقصيدة أخرى منها :
يالله التوفيق والستر والرزق الحلال
والتمسك بالهدايه وبالراي الحكيم
وبالجناب السمح والصدق وعلوم الرجال
وخوة الطيب وممشى الطريق المستقيم
كل هذي كنها الكيف من صفر الدلال
وكنها البراق لا لااح فالليل العتيم
لاشموخ الا شموخٍ مثل شم الجبال
ولا نديم الا نديمٍ مهوب اي نديم
وبعد ذلك واصل بن جدلان شعره بقصيدة منها :
ياالله يااللي ينعبد ماحد شافه
رافع فوق السموات كرسيّه
أطلبه باسماه وارجيه وأخافه
جعل شعري بالوفاء شاهد ليّه
القريحه قد لها أيام ملاّفه
ودي انها تمدح الناس ومعيّه
راكب اللي يعجب عيون من شافه
في ديار ما بعد طبها زيّه
فلّبشن شاشته تقل صرافة
وسط صالات البنوك التجاريّه
ينحر اللي يبهج صدور من ضافه
فيصل بن سعود غيث السناويه
وواصل بن جدلان بقصيدته الآخرى
تضرب المسحوب في عرض اللحون السامريّة
وتسحب أقواس الربابة للجواميس الرباضي
فارشين تحت نوّ الأمل بسط الأحمديه
وكل منهم لابس فتخة زعامة فعل ماضي
والآدمي ما يستريح إلا يعيش بواقعية
لا رضيت بواقعيك صح كل عنك راضي
وإما أنا حقي على الطيب وله حقٍ عليه
نحوهم لا أحطّ تأييدي ولا أحطّ اعتراضي
وابدع في الإلقاء الشاعر بن جخير في قصيدته المعروفة " شيخة بنات " ومن ابياتها :
يقول من يهوى ركوب المسرجات
لاجيب طاري للسيوف وسلّها
ياسامعي والاوله من الاولات
تنبيك عن باقي علومي كلها
ترى حلاة الشي لاجاله طرات
واللي تجي في حلها في حلها
شبّه وبرّاد وثلاث مهيّلات
هاذيك اركدها وذيك ازلها
وواصل بن جخير :
ياراسي عسى الله لايحدك على اي انسان
وياعزمي تقوى وانطح الشده بشده
وياقلبي تصبر عادة الصبر والسلوان
تواسي قوي الباس لو الزمن ضده
وياعيني لاترجين المقفي نظر واحسان
مادامه مقفي بين وده ولا وده
ترى الضيق ضيق القبر ماهوب في لوطان
مادام العزوم اعزوم والارض ممتده
ومن ثم عاد بن جدلان ليقول قصيدته التي من أبياتها :
علموا اللي كل يوم ٍ يقابلنا بثوب
ما يخدرنا كلامه مع من خدّره
إن لقينا اللعب نزحف مع جو ٍ لعوب
و ان هبطنا سوق طيب ٍ خذينا ندّره
العرب ما هيب تعلم مسدات الغيوب
و وارد الما ما يدلّه يكود مصدّره
و لا تجيك الحصبه إلا من فراش محصوب
وحبة الجدري تجي من ف،راش مجدّره
ويواصل بن جدلان نثر قصيده :
الا يالهبوب الباردة عجلي هبي
على جاش من قامت هواجيسه تلوبه
أنا مرةٍ اصحى ومرن يغيبي
أسرح مع كثر الطواري بغيبوبه
ألا يادهر ماهوب حق تلاعبي
رماني الزمان لمقرد الخلق لعبوبه
وانا أعرف من أعادي وعارف من أحبي
وبه ناس لاتبغض ولاهي بمحبوبه
وقبل الختام أورد بن جخير قصيدته في "الطيارة " والتي من أبياتها :
يالله انك تستر الحال وتعز الفقير
يامعين الصابر اللي على الشده صبر
يامغيث المستغيث ومجير المستجير
من عذابك مالنا لا مكان ولا مفر
جعل تسقى قبور الاجداد بالوبل الغزير
وتصبح القيعان من حولها عشب وزهر
يوم كان الناس للناس والدنيا بخير
والبدو منهاجهم غير منهاج الحضر
وكان ختام الأمسية الرائعة مع قصيدة للشاعر سالم بن جخير من ضمنها بيت شهير استحق بعده لقب وكيل الجزالة المعتمد كما يحب أن يطلق عليه جمهوره وهو :
دامني من بحر الاشعار عارف مشربي
سجلوني للجزاله وكيلن معتمد
ثم كرم الرئيس التنفيذي لمهرجان بريدة عبدالرحمن بن عبدالله الخضير ونائبه عبدالرحمن السعيد وعضو الغرفة التجارية عبدالله المهوس الشاعرين بتقديم هدايا ودروع تذكارية لهما .
والله والنعم في الشاعرين كلهم .. وهم آخر جيل من عمالقة الشعر .. الله يطول في اعمارهم ...
كل واحد مطلع سيقانه وسراويل صفر ..
والنعم يابن جدلان شاعر كبير بس لوتركد شوي.........:
سعد بن جدلان ودك تقراء له ولاتسمعه 00
الرجال ضاربه فيوزه الله يخلفه والله ماندري وش يقول
شاعران جزلان
والله لو هم جايبين من التالين احسن
سالم بن جخير شحاذ درجه اولا والي مو مصدق يسمع قصيدته في ناصر بن حمد والد ملك مملكة النحل )((( البحرين))))
طبعا ًً الشعار اغلبهم شحاذين بس يفق فيه شحاذ داخلي وفيه خارجي
والشعب السعودي النبيل الي شد حزامه من عام 1410 وحتى تاريخه لم يفك ذلك الحزام فهو في الغالب شحاذ وطالب للشرهات والعطايا وخاصة نجد وما حولها
حظ هالاعراب مثل الكوره حظ للتكرن
والله ياثلاث ارباع الحاضرين لو تسأله وش معنى بيت من القصيدة قالك ماادري
لا .... وتلقاه يقول هالشاعر جزل وذاك لا
اصلا لو تسأله وش معنى جزل قال ماادري
والله مايدرون وين هي هابة معه.....
وبعدين ياخوي الشاعر ابو بشت ... ماادري وش اسمه ؟؟؟ بس انه يشابه للمحامي اللي بدرب الزلق حق حسينوه......
سلامي للجميع وللاخ عادل حق التعليق الثاني هاهاهاهاهاهاهاهاهاها
لا أعرف هل غاب على لجنة المهرجان أن تستضيف شاعر مدمن (بن جذلان)
وتجعله قدوه ومرحب به ومقدم على شرف الحفل؟؟؟؟
لا أستغرب أن تقام محاضره في اليوم الثاني في نفس المكان عن المخدرات وأخطارها
هل العملية تنظيم فعليات والسلام يبدو أن اللجنه في لجه
قال صيفنا قال