راحت .. يا سطام

بالله يا روح الحياه اذكريني
حتى ولو عدا على فراقي أعوام
أنا عجزت أنساك ما عاد فيني
وما لي سوا الشكوى على الله مادام
مكتوب أفارق وابتعد عن ضنيني
وبعده ثمان سنين مشتاق وانضام
أذكر وداعك وأكتم اللي يجيني
عبره وضيقة صدر والموت قدام
والله من فكت يدينك يديني
وأقفيتي .. وعيني بها حزن الإيتام
سجنت دمعي يوم غمضت عيني
وصوت الرياح يقول راحت ياسطام
حاولت ابنسى وقت بينك وبيني
ويئست من تعويض هاذيك الأيام
أنساك ثم أذكرك وأمسك جبيني
أنساك ساعة واذكرك باقي العام
مشتاق لك ..الا عثى الشوق فيني
ياكم دعيت الله أشوفك بالاحلام
طيفك وهو طيفك!! تكاثر يجيني
وأنا أتوق لشوفته قبل ما انام
بقلبي سؤالن حاير و جاوبيني
يجري بدم القلب صمام صمام
أموت وأعرف هو حنينك حنيني
وإلا غدا سطام مثل أي سطام؟!