قصيدة الشاعر عبدالمجيد الذيابي في مهرجان الجنادرية

للغايب الحاضر حقوق وعناوين
نخلص لروحه بالدعا ونغمرها
القائد الإنسان قدام عامين
بنا القباب العاليات وهجرها
يحب شعبه لين صارو محبين
لسمه ووقفاته بكامل سيرها
هذاك ابو متعب حبيب الملايين
تواضعه ريف القلوب ومهرها
وبسم الحرص نثن التراحيب وتزين
وبسم الوزير اللي خصومه دحرها
متعب عما العدوان ريف المقلين
غيثً اليا مر الديار يعمرها
يامرحبا ما تغرب الشمس وتبين
وما هفهفت روضت خريم بزهرها
بالصارم اللي ماثنا منكبه لين
هز الجبال النايفات وصخرها
اخو فهد بالحزم والعزم واللين
هد الظروف القاسيات وقهرها
تعبت اقول ابدي بحر مجده منين
وافعاله اللي وقتها ماحصرها
يامٌعتصم ماقلت بكره وبعدين
لبيت صوت اللي تهامل عبرها
رديت تاريخ وكرامه وتثمين
هاذي مثايلها وهاذي صورها
يوم اليمن عدو عليها المغلين
واستنصرت سلمان والله نصرها
سمع عزاويها تقول العرب وين
وتلد له وطعونها في ظهرها
وقف وقال الحرب تبغا حمر عين
ولسان حاله قالها واختصرها
انا العرب لا رجحن الموازين
نفسي عن اشفوف العلا ما اعذرها
ونادا وصوت محمدينه ملبين
قالو محازيم اللزوم وفخرها
حنا هل العوجا كعام المعادين
ابشر بروس تلتهب من سطرها
قدّم سلاطينٍ سلايل سلاطين
عزالله انه يوم قدمهم ارها
قال الجهاد إلى اليمن قالو آميين
وتناقلت كل الوسايل خبرها
نادا صباح اللي على الحرب ضارين
جيش الكويت وظلها اللي سترها
محازمٍ وقت الطلب مستعدين
ونيامسٍ نجداتها من ظفرها
وبارك ولد زايد خليفه من العين
وقدم محمد للصعاب وعقرها
قامو جميع عيال زايد مثارين
نسل الشجيع اللي عداه يعثرها
في راي اخو شمّا محمدمهلين
سيفٍ تهيب سلته من جسرها
وحمد يبارك للتحالف ببحرين
وجيشٍ ليا جوه الأعادي زجرها
سور المنامه يوم صفق الهوا شين
حصن دياره عن عداه وحجرها
وتميم واخوانه على الحق ماشين
محزم قطر وسيوفه اللي ذخرها
معنا اليا جات اللزوم متحامين
تروم هامات الصعاب وخطرها
وقابوس شعبه للمهمات عجلين
ترمي على صوت النخاوي غترها
اهل الوفا بعهودهم مستمرين
من يعرف افعول الكبار اعتبره
قام التحالف والاسود متواصين
في راي حكامٍ تشرف ديرها
معك أمة الأسلام مبطي وذلحين
وامالها في يدك تمسح عبرها
جاتك جيوش القادسيه وحطين
مادمت خالدها الهمام وعمرها
ترفع لك الرايات بالنصر وتبين
وتخظع لك الهامات وانت تغمرها
أنت المليك اللي فتح قلبه سنين
من يوم كنت امير نجد وقمرها
ابن المليك اللي رفع راية الدين
وامجاد ابوه ومجد جده عمرها
يوم الجزيرة ميلت عودها الزين
وحنت ضفايرها وفلت شعرها
جاها خطيبٍ قبلها تعرفه زين
حارب جيوش المعبثين وكسرها
معه اربعين حزام فالحق ومعين
بالبيعه اللي كل منهم جهرها
على ظهور مقوسات العرانين
يحثها عن دربها ماقهرها
لين اذعن المصمك بقدره وتمكين
وحول على كسور الرياض وجبرها
ما لان عزمه عن طلوع الميادين
خلا شداد مصيحه في ظهرها
لين اعلن التوحيد بارض الحرمين
وهدم ظنون المشركين وقبرها
هالت فتوحاتٍ مثل بدر وحنين
اجتازها من برّها لا بحرها
وحد شتات اديان وقلوب ويدين
قبل يوحد دولته ويعمرها
بنا شعار العز نخله وسيفين
وصنايع اجذور التقدم بذرها
نمرٍ دواليله فعول وبراهين
عرب نمورٍ للمعالي شهرها
على خطاه يرسّمون القوانين
ويطبقون الخطه اللي نشرها
واسقو زروعه غاليات المثامين
لين اغدقت بالخير واطلع ثمرها
ياسيدي جندك جموع الميامين
دونك ودون الدار تارد قدرها
محازمٍ تثبت بعج الأكاوين
ماهي بحاجة موقفٍ يختبرها
اقدم ومعك عضود جنبك مبارين
مافيه شيٍ فالوجود يعسرها
ولي عهدك حصن الدار تحصين.
لملم تناهيت البلاد وسهرها
امير الامن محمد مقضي الدين
سليل نايفها منمي زهرها
ولي ولي العهد سقم المغلين
محمد اللي لا تمادت قصرها
يقود جيش هز منها الثقلين
مازج فيه بيوم حرب وخسرها
معك الصقور اللي على الطلع وافين
صوارمٍ ماخيبت من صقرها