هل تودع الخرج آخر متتن؟؟

محمد حسن الدليمي :
متتى نشاهد الخرج وهي تتنفس هاوئها العليل من مزارعها ونخيلها بدل من زفرات نكوتين ابنائها وشيبانها تشاهد شباب في عمر الزهور يدخونن ولا يبالون باي انسان ولا يحترمون مشاعر الاخرين واذا انتها من مصمصت ها الزقاره رمها بدون ادنا شعور بالمسؤولية ولا بالجرم الكبير الي ارتكبه على نفسه من قتل لصحته وتبذير لماله والبيت غافل لايعلم أو يعلم ويتجاهل !! والادها من ذلك يجيك شايب صافط طبلونه وعمره التقاعدي منتهي يعني 65 سنه ويتفتف يعني ما يقوم الصبح الا باشتراك والا ينومونه فوق الزلفه عشان ينتع ويمشي وتلقاه يمزهالزقاره على فكت الريق مزالين تشوف اخدوده داخله تقول طفل يمص لها مصاصه والله عيب انا اعرف انها بلوه والله يشفيهم ولا يبتلينا بما بلاهم لكن الى متى والحمد لله الآن يوجد جميعة لمكافحة التدخين بالخرج وتعمل بكل جهد رغم الامكانت القليه لكن اخي المدخن لماذا لاتجرب زياره واحده ما يضرك شي واذا على التكلفة صدقني ما تسوي كلها 100 ريال أو 150 ريال وانا راح اتبرع لأول خمس اشخاص يذهبون لجمعية بعد قرائه هذا المقال( لاتصدقون) يعني لو حسبتها من قيمة الدخان الي تشتريه في سبيل صحتك ما هو غالي حاول لمره واحده حاول وأنت الكسبان . ونسيت لا اقول لكم شي يقولن فيه بنات يتتنن يعني التدخين الان اصبح منتشر وبشكل فضيع . لتجعل الخرج مدينة حاليه من النكوتين لنجعلها مدينية صحية بترك التدخين ومحاربة البقالات التي تساعد المدخنين ونقاطعهم ونحث بعض الكفلاء الي مشغلين الهنود والبنقاليه في البقالات وتاركين الدرعا ترعى لنذكرهم بمخافة الله والكسب الحلال
الا اقول كم سعر الدخان الآن ارتفع مثله مثل السكر والرز والا باقي محمي من قبل التجار؟؟؟
والله ولي التوفيق