الشمالي .. مايبي يصبح .. وزير ولا حلم يمسي أمير..

الشاعر ابراهيم خليل يوجه قصيده لمجلس الشورى حول تجاهلهم الحدود الشمالية

وجه الشاعر أبراهيم خليل رسالة عتب للقائمين على مجلس الشورى حول تجاهل منطقة الحدود الشمالية عبر قصيدة خص بها (عناوين)حيث شخص من خلالها تطلعات ورؤى أبناء المنطقة .
الشمالي ..
مايبي يصبح .. وزير
ولا حلم يمسي أمير ..
الشمالي صار همّه ..
ياوطن ( حبة شعير ) ..!!
* * * * * * * * * *
يا الشعير ..
اكتب .. وانا اكتب / عن صفارك .. عن ترابي
بُكره يقولوا يُألب / قبلها .. قالوا ( رْهابي )
لايهمونك شه احطب / وولّع الدنيا بْثقابي
* * * * * * * * *
مجلس الشورى يبيلك .. صبح .. مليناه ليلك
ليمتى وأهل الشمال .. ما شربوا من عذب نيلك ؟
ليمتى وأهل الشمال .. ما تغّنوا في هديلك ؟
مجلس الشورى .. دخيلك .. ما تشوف ( شوي ) ميلك ..!!
* * * * * * * * * *
مجلس الشورى وطنا .. نشتريه ولا نبيع
للجميع.. اربع فصوله .. أربعتهن للجميع
ما هو ْلناس الخريف.. ولبعْض ناس الربيع
والوطن ما هو لعصبه .. والوطن ما هو لديره .. الوطن ذا للجميع ..!!
* * * * * * * * * *
مجلس الشورى تصدق..
مالنا واحد يذود .. ولا يشارك في قرارك ..
واسمنا أهل الحدود .. ( اااه من ها لإسم هذا ) ..مادري وشلون نتبارك ..!!
ورغم أنّا أبطال لكن .. مابقى منّا بطّل ..
كلنا خايف .. لو انه قال له شي .. انفصل ..!!
مجلس الشورى .. وتصدق / ( اربع400مية الف ) حنا
يمكن اكذب .. رحّ ودقق / واسأل الإحصاءعنّا ..
وغيرنا ( ست600مية الف ) وعنده بمجلسك ( ست )!!
يعني حنا بالحساب .. ( اربعهْ ) ونبقى صحاب !!
* * * * * * * * * *
مجلس الشورى اهذري .. وْلبلاطك كنت جاحد
مجلس الشورى نسينا .. أثر منا .. فيك واحد
واحد .. وواجد علينا !!
منهو مدري .. وادري منهو !!
قالوا ان أسمه أسد / مولده قالوا طريف
ماعْمر زار البلد / ولا شرا منا رغيف !!
ورغم أنه صوتنا ..
مادرى في موتنا ..
* * * * * * * * * *
مجلس الشورى .. نبي ..
لا رسول .. ولا نبي ..
نبغى واحد .. بس .. صح / لا انوجعنا .. قال : أح ..!!