قادات التحالف

قصيدة ألقاها الشاعر سالم بن جخير في الأصبوحة الشعرية التي اقيمت يوم الثلاثاء قبل الماضي في جامعة البحرين ضمن فعاليات الاحتفال باليوم الوطني، والذكرى 16 لجلوس عاهل البلاد الملك حمد بن عيسى آل خليفة، ملك مملكة البحرين، بحضور راعى الحفل ممثل جلالة الملك للأعمال الخيرية وشؤون الشباب رئيس المجلس الأعلى للشباب والرياضة رئيس اللجنة الأولمبية البحرينية سمو الشيخ ناصر بن حمد آل خليفة.
تحاكى الشاعر اللي ينعرف في زحمة الاصوات
والى منه وقف شفت الفخر في نظرة عيونه
قصيده لابدا به تنتخي به ندر الابيات
مثل ما تنتخي في كل صامل كل مغبونه
ومثل ماسطر التاريخ سيرة اعظم القادات
يسطر في صدور أهل المبادي يوم يقرونه
معا طلعة سهيل وكثرة الشعار والشلات
مطاليعه قفر تاتيك من شكله ومن لونه
عليه البدع وانتوا مايبي منكم سوى الانصات
ويوعدكم يقول اللي بعضكم مايقولونه
بعدها ياسلام الله على القادات والقوات
سلامٍ لا نصى اللي يستحقه هلت مزونه
سلام الله على اللي رايته مافوقها رايات
والى منه تعزوى صار كن الكون ذا كونه
وريث اللي تسموى بالحزم والعزم والظفرات
الين أصبح مثل يوخذ بغاياته ومضمونه
هذا سلمان ابن عبدالعزيز وتخضع الهامات
لتاريخه ووقفاته ودستوره وقانونه
وسلام الله على اللي فزعته تسبق هل الفزعات
والى من باح مكنون العرب ماباح مكنونه
وريث اللي عطاياهم قبل ماتصدر الشيكات
وقبل النفط يعرف موقعه ويشب غليونه
اخو نجلا حمد راع الفعول ان كبرت القالات
يبركها على صم الصفى ويثبت اركونه
يقولون المواقف دين حسب العرف والعادات
وهو من طنخته بااغلا عياله سدد اديونه
و سلام الله على اللي مات لكن بالذكر مامات
على زايد وهو من بيننا لو ماتشوفونه
لكن شوفوا محمد لاوقف واستذكروا مافات
وهبي ياذعاذيع الفخر من فوق بينونه
سلام الله علي لاعتزى ثاره ماهوب يبات
يرد العلم قبل الجن من قبله يردونه
تحامى لجل ثاره والحق الغرات بالغارات
عليها من جيوشه كل دندوني ودندونه
وسلام الله على جيش التحالف صامل الوقفات
على كل ابلجٍ روحه لحد الدار مرهونه
رجالٍ كل ماحمي الوطيس وكبرت الهقوات
يبيعون العمر لكن وفاهم مايبيعونه
حداهم فالملاقى مايهمه هادم اللذات
والى من مات يفخر به هله من قبل يبكونه
ترى كل اشهدانا مانسجلهم مثل الاموات
نباهم حي لو اجسادهم في الارض مدفونه
وترى حكامنا يبقى غلاهم في صميم الذات
لكن المدح لامن قيل فاللي يستحقونه
مافي ذ الحرب قايد كلهم فعيوننا قادات
والى منا مدحنا واحد منهم تعرفونه