روح القصيد

انشدوني أنت من أيّة بلد
........قلت من أطهر مكان بها الوجود
ايه أنا من شعب ابو فيصل فهد
.......ايه انا بين الذيابه والأسود
ما نحب نعيش تكمالة عدد
.......لا صعدنا يرتفع معنا الصعود
@ @
مروا علي اصناف واشكال والوان
.......هذا وقف ضدي والاخر وقف لي
بعض البشر اصدقه دون حلفان
........وبعض البشر ما اصدقه لو حلف لي
@ @
جيتك أسابق خطوة الريح ملهوف
.........والله مدري (( خطوة الريح )) شنهي
@ @
ادوج واحسب خطوتي قبل ما ادوج
..........واعرف ليامن ضقت وين اتوجه
وانا الذي يحفظ لسانه عن العوج
..........كنه محججني ثمانين حجه
@ @
في رحلتي كسرت انا كل الابواب
......كنت أحسب أن المسألة بالمشاعيب
قمت آتعزوى وانتخي بين الاصحاب
........وين النشاما وينكم يا هل الطيب
وجوني بعض والمشكله فالذي غاب
........في وقتها غياب الرجل يعتبر عيب
@ @
ما اقول من يزبنك يلقا حواليك فيّ
........اقول : منهو زبنك انا اشهد انه زبن
تدري وش اكثر مثل لا مر تطري علي ؟
........الحي يحييك والميت يزيدك غبن
@ @
مافيه مثله فالبشر صدقوني
.........مزيون متواضع وطيب وجذاب
واذا مدحته قال لا تمدحوني
........ماني من اللي يستحقون الاعجاب
يقول بس الزين فيني عيوني
........واقول انا هذا بلا ابوك يا عقاب