البرق والغيمة

جيتي مع الحظ مثل البرق فالغيمه
سناه قدّام وبله يروي الضامي
امطر حنانه علي وماطره ديمه
لو كنت تحت الثرى نبتت به عضامي
كانك تراقب مدى قلبي وتصميمه
ياسابق الريح انا اسبق خفقْ الاعلامي
ما يلطم الفال ضيفٍ يعرف الشيمه
ومن الكرم كل شيٍ فيك عزامي
غنّا لك الشعر وانشدْ لك ترانيمه
بأجمل حنين الورق وإحساس الاقلامي
خلاّك عندي يجيلك بالغلا قيمه
انّي قبل شوفتك صورتك باحلامي
يا ليت جيّتك فيها صار تقديمه
كم لي وانا أدوّرك خمسة عشر عامي
يا من مفاهيمي احيتها مفاهيمه
برهن لك العمر وانثر قدمك ايامي
وليلٍ كساك اسهره وان طوّل أهيمه
واصبح بثلجك وحمرة وردك الدامي
والله لو دجت وادٍ غافل ريمه
ما يجفل الريم منك ويذكر الرامي
يا شيخة الزين زينك صعب تقييمه
من مفرق الراس حتى ماطا الاقدامي