صوت الصورة

ترى العمرماهوب مرّه وينعاد
العمرفرصه ما تكرر وحيده
يا راعي الجيب الخضر وأنت معتاد
تفك تربط .. والمواقف عديده
وش حالتك لو كان زلت الاعماد
وأطبق عليك بساعةٍ في وعيده
حمد عبدالله الوايلي - حوطة سدير
صاحب الموتر ترى فعله خطيري
كيف يرضى يالربع ينهي حياته
ذي طبيعه يا جماعه ما تصيري
ضايعٍ يا ناس من سوا سواته
أشهد إنه بالعمل ما هو جديري
ليت فكر بالسلامه مع نجاته
محمد عبدالعزيز الخنيفر - أشيقر
يا مهندس الموتر ترى حولك أخطار
إحذر ترى ما كل مرّه سليمه
هذا الخشب يمكن على طول ينهار
شغلك بنفسك يا مهندس ظليمه
مع الروافع لا تفكر .. وتحتار
أمن وأمان .. ولا حوادث أليمه
عثمان إبراهيم الرشيد - الرياض
يا راعي الموتر تراك أنت غلطان
هذا الفعل فيه المشاكل والأخطار
فكر ترى هالفعل يجلب لك أحزان
والا يصيبك عجز وتصير منهار
هذي رسالة وافهم العلم يا فلان
نفسك عزيزه قالها واحدٍ شار
ريان محمد الخنيفر - الرياض
يا رافعٍ موترك فوق المرابيع
وقاعد تفكك من تحت في الصواميل
لو زل مرباع غديتو مراصيع
بين التواير ما طلعتو من الويل
شروط السلامه واضحه من المواضيع
ما يجهله اﻻ خبول ومهابيل
سعود عبدالعزيز الهزاع - نعام
الجيب عطاله الدفرنس
ومهندسه ما قدر حلّه
واللوحه ضايعه قبل أمس
والظاهر مخبطن كلّه
خراب بين مثل الشمس
لكن على الناقله شلّه
شجعان سعود المقاطي - الرياض
يا رافدن موترك فوق العصاوين
أخذ الحذر لا يطيح وتلقى الندامه
للسلامه أعرف شروط وعناوين
وأخذر الحذر قبل الندم والملامه
يوسف عبدالرحمن الدوسري - عنيزة
الجيب رفعه دون تأمين باخشباب
واللي دخل تحته عسى الله يعينه
إن ما توفى يطلع ابجرح منصاب
التقنية يا صاح وينك ووينه
تحتاج للتدريب ومطالع اكتاب
حتى توضّب قير والا المكينه
أحمد السمحان - الزلفي
صورة العدد السابق
نرحب بمشاركاتكم الشعرية وما تلتقطه
عدساتكم من الصور الهادفة والطريفة ..
على إيميل الخزامى:
rb-khozama@alriyadh.com
أو الفاكس رقم: 0114871070