عواكيس

* المرح معوكس وش رايك بتصاريح المسلم رئيس الرائد ليش يتكلم بكل الصدق، وما رأيك بالتعاون السنة هذي ما تلاحظ انه تغير للأفضل، ومن تتوقع يفوز بكأس ولي العهد هل هو الهلال؟ ام ينهي النصر الاحتكار؟
سفير الحلة- الخبراء
- وانت يامعالي السفير ماعندك الا الهلال والنصر نسيت الفتح والشباب ولا برايك كومبارس وتكملة عدد!
* مهندس الاجابات معوكس.. هل انت متفائل بمستقبل الرياضة.. واذا كانت الاجابة بنعم اذكر لنا الاسباب؟
عبدالعزيز المطيري- الرياض
- لا لست متفائلاً والأسباب يعرفها الجميع!
* متى على خير يامعوكس نتخلص من اخطاء التحكيم.. تصدق صارت اخطر من اخطاء بعض المدافعين والحراس؟
سعود الشهراني
- مادام ابوعجراء نتاج اللجنة لاترجي خير!
* العزيز معوكس وش قصة اللي كانوا يحشون بعض الاندية فيما مضى في تويتر وعبر الصحف والتلفزيون.. وراهم قلبوا الان معها.. هل لديك من تفسير؟
محمد العبدالله- الجوف
- ما يمدح السوق الامن ربح فيه وأفهم يافهيم!
* صحيح يامعوكس ينادونك برئيس 23 ساعة.. شكلك كنت رئيس للريال او برشلونة والا مش معقول تكون رئيس بس 23 ساعة؟
- طلال الحميدي- بريدة
- فيه واحد ما كمل 12ساعة يوم أعلن مجلس ادارته قالوا له توكل أنت وياهم ولاتنسى الشنطة!
* الاستاذ معوكس وش قصة المحللين: في بعض المباريات ما يقولون ولا كلمة عن التحكيم.. وش اللي مخوفهم؟
بدر الدوسري- جدة
- مبرمجين على مباريات معينة واللي مابرمج كلها فاصل والايحولونه لقناة زمان!
* الناقد المميز.. نريد معرفة رأيك بانتقال سعود كريري للهلال.. ومفاوضة كواك بدل هوان.. ارجو الاجابة بشكل متأني وعلمي؟
يوسف العامر- نجران
- كريري ضربة معلم ياكثر اللي داخوا منها أما كواك فهو ولد عم هوان!
* صديق الرياضيين معوكس.. اجل نفعت التهديدات ضد التحكيم... نشوف البعض ماشية اموره تمام؟
راشد الدوسري- الخبر
- البعض شكل معه ريموت!
* وش قصة يامعوكس اللي بعد مباراة فريقه مع الهلال بالدوري.. حول العاملين في الاندية الى مهندسين كهربائيين وزراعيين.. ظنك اثر عليه هدف الوقت القاتل ام يحب يمزح؟
فهد العنزي- عرعر
- شويه أثر عليه طير المكافآت من الفريق الغالي!
* ماتلاحظ يامعوكس ان جميع الحكام في سن الشباب.. وهذا يعني ان المستقبل طيب ومتكتك اوي؟
- صالح الاحمد- الرياض
- وانت الصادق في سن حمل العجراء!
* هل صحيح يامعوكس انه (اذا كان هناك محلل قوي فهناك دوري قوي.. واذا كان هناك محلل خواف فأعرف ان هناك دوري يرقل ومستوى ضعيف؟)
سعد القحطاني- ابها
- فيه محلل يفقع اذنه المخرج من التوجيهات الخاصه أثناء الفاصل!
*قاهرهم وحابس دمهم ابو العواكيس: معقوله حكم متعصب ويغرد بآراء كلها تسبب الاحتقان بين الجماهير تستضيفه مدرسة ويحاضر على الطلاب والله شيء مؤسف.
بندر العصاد
- أنت شف من اللي دعاه وشكل الدرعى ترعى في المدارس وتبي من يضبط الامور!
*صاحب المليون رسالة: بودي ان أسألك وشلون اللي كانوا يطالبون ادارة ناديهم بالتوقيع مع كريري ويتمنونه امنية أقلبوا وقالوا أنه كبير في السن وماراح ينجح؟
أحمدالحمد-بريدة
- اللي ماطال سعود حامضا عنه يقول!
*خفيف الظل معوكس ياخوفتي أن العمدة عماد الحوسني ماعاد عنده شي وأنهكته الاصابات وبيكرر تجربة العماني ربيع هداف الخليج اللي أكله نادينا مقلب أنت وش رايك؟
عاشق العالمي-سطام سعود-الرياض
- ياكله حلوى عمانية!
مع تحيات معوكس وسلامتكم
للتواصل مع معوكس
بريد الكتروني
SPORT@ALRIYADH.COM
فاكس 4871070