عواكيس

* ما تلاحظ يا عزيزي معوكس ان اداء الهلال تحسن بعدما خرج عادل الهرماش، ليت المدرب ما يلعبه المباراة الجاية؟
محمد صبياني - جازان
- الا ليتهم يمسكونه الدايري اللي يودي للمغرب
* ماذا تفسر يامعوكس الهجوم ضد لجنة عمر المهنا وكيف ترى مستقبل التحكيم يوم تخلص من بعض المشجعين؟
سعود الحميدي - الرياض
- الآن التحكيم صار بخير يوم تخلصوا من ابو عجرا وابو رسالة.
* الصديق العزيز ابو العواكيس من ترشح لدور الاربعة في كأس اسيا الهلال والا الاتحاد والا الاهلي.. يقولون دائما توقعاتك تصيب؟
رشيد الشيباني- الدوادمي
- خايف اقول كلهم ويقولون متعصب
* الكاتب المميز معوكس كيف رأيت مستوى الفتح.. حنا مع الاسف لم نشاهد المباراة على الرغم من قناتنا العزيزة وعدتنا بنقلها؟
خالد الخالد - رفحاء
- مسكين الفتح.. آه لو انه النادي اللي انت خابر كان أرسلوا سيارة نقل خاصة واعادوا مبارياته 24 ساعة.
* العزيز معوكس وش رأيك باللي راحوا يشجعون اولسان الكوري.. الظاهر انهم يحتاجون اللي يمر بهم على شهار والا طبيب شعبي يكوي رؤوسهم؟
بدر اليوسف - الأحساء
- أكيد انهم رايحين على حواشي!
* اشعر ان فيه ناس حاقدين عليك يامعوكس.. وودهم توقفهم لجنة الانضباط وتصدر بحقك غرامة مالية؟
- لكن بيجيهم عفو نصف المدة!
* الاستاذ معوكس ليش الهجوم على احمد عيد وش هالشجاعة الي طلعت فجأة؟
صالح المعيوف - وادي الدواسري
- الغيرة من ابو رضا تسوي أكثر!
* الناقد معوكس ما تلاحظ ان الدوري عندنا مثل السيارة اللي مرة تمشي ومرة توقف.. ياخي الى متى التوقفات والتأجيلات وبعدين وش سر ناس تبي تؤجل وناس ترفض وين النظام؟
حمود الرشيدي - حائل
- دورينا يبي لي اشتراك وتغيير بطارية علشان ما يوقف أبد!
* المثقف معوكس وش رأيك ببعض الحكام يعني بعد ازعاجهم للمعلقين عشان يمدحون فرقهم وحضورهم للمناسبات التكريمية الخاصة بها اصبحوا غيورين على التحكيم؟
عبدالله العايد - عرعر
- ابشرك ارتحنا منهم وما لهم الا "استراحة الشرق".
* العزيز أبو العواكيس.. عساك مرتاح.. وش رايك في ظاهرة تغيير المدربين خصوصاً في نادي النصر؟
- ياسر العنزي - الرياض
- ودهم يتفقدون صالة القدوم والمغادرة في المطار.
* الأستاذ أبو عواكيس ودي أسئلك سؤال من شقين.. الأول هل تتوقع أن يعود الأمير نواف بن فيصل لرئاسة أتحاد القدم؟ والثاني هل تتوقع أن يفوز منتخبنا على الأرجنتين؟
محمد الشويلعي - الحائط
- هو قال ما راح يرجع.. ومباراة الارجنتين الله يعين هوساوي وربعه على ميسي
* صاحب الشعبية الجارفة أبو العواكيس بما أن الشتاء قرّب هل تتوقع أن يواصل الفتح تصدره للدوري؟
عالي أبو شعيفة - الخبر
- عساهم بس يعاملونه مثل فرق النخبة ويؤجلون له مبارياته!