الأسبوع الماضي كان طرح بيت الصدى من شعر الشاعر عبدالعزيزسياف الواصل من عنيزة ويقول: الحق لأهل الحق ملزوم ينقال ولاتخفي الواقع من أجل العداوه وقد وردت للصفحة مشاركات الأخوة الشعراء الجميلة والحكيمة: قول الحقيقه من جزيلات الاعمال ويزيد قدره بالصراحه علاوه ويصير له بين الرجاجيل منزال رجال الوفا اللي تعتبرهم قداوه والبعض دايم ينتحي مع هل المال في قربهم ينول كل الحلاوه غنام مسعود القريني -نعام أحذر تخفي الحق ياطيب الفال قل الكلام اللي جميله طراوه إليا نطقة الحق يشرح لك البال وتصير بالصف الامامي قداوه أرفع مقامك لاتجي صف الانذال قوم له الهزلات دايم ضراوه بدر بن خلف الحزيمي اللي يقول الصدق يضربه امثال أقول هذا اللي على الطيب خاوه ومن يجحده معروف ماهوب رجال فعله ذميم ويتصف بالقساوه قدمه طريق ماخفى كله اهوال ليته يفكر بالقرار بهداوه محمد بن عبدالعزيز الخنيفر -أشيقر ماينكر حقوق الرجاجيل رجال الطيب لاهله في الحضر والبداوه خل العداوه في مثل هاذي شمال وعد الصحيح إن كنت راعي قداوه اكتم بها أنفاس جاحد وختال بالصدق داو معرب الجد داوه سلطان بن حمد ابوشقاف الحبابي-الطائف خلك على وضح النقا قول وأفعال وأسلك مساليك العدل والنقاوه الحق قوله لوعلى النفس والمال خلك مع أهل الحق والجرح داوه واجب على الإنسان تصحيح الأحوال لابارك الله بالجفا والشقاوه يوسف بن منور الميموني-عنيزة ياللي تدور مع هل الحق منوال مالك سنع مالك ومال العداوه من قال قول الحق يضرب به أمثال ويزيد قدره عند حضر وبداوه نسب الفعل لأهله ترى طيب الأفعال مشهود له يآخذ عليها علاوه سعود بن سعد الحافي- الرياض أتبع طريق العدل في كل الأحوال العدل زين وكل مره حلاوه قل الحقيقه لو عذل كل عذال والعكس يسبب لك عذاب وشقاوه ولا تعتمد دايم على كل ما يقال وتصير من بعد الصداقه عداوه زبن مقبل العنزي-بريدة بيت الأسبوع كتب لزاوية (بيت وصدى) الشاعر يوسف الميموني من الرياض وهو يتحدث عن السياحة في بلادنا الغالية: السياحة ممتعه داخل وطنا الطبيعه ساحره والأمن ساير نأمل أن يكون صدى البيت متوافقاً مع الموضوع المطروح بثلاثة أبيات فقط على فاكس 4871070 (خزامى الصحارى)زاوية (بيت وصدى) ..كما نرحب بمشاركاتكم التي تناقش القضايا الاجتماعية وياهلا.
