صوت الصورة

بيض الله وجه اللي عطاء التلفون
بعد ماشاف وضعي وضع جداً خطير
غير ذبح السرف صارو لنا يجلبون
وضعنا يؤلم اللي له احساس وضمير
بتصل بالحمايه كونهم يفزعون
دام الضب باقي لو واحد صغير
محمد جلمود الشكره- الدلم
الضب خايف ماسك السماعة
ويزهم على الحماية الفطرية
يبغى الحماية تعتني بوضاعه
وتحميه من كثر الخطر والسيه
يزهم ولا أحد قال سمع وطاعه
وبعد اتصاله أرسل البرقية
مهدي بن مسفر بن عليان الحبابي- وادي الدواسر
الضب طالع في الصحافة وينشاف
يشكي من أيام الدهر والصواديف
لاوعذابه لاطلع فوق مشراف
وشافه على الغفلة قنوصاً تواحيف
هذاك طراداً وهذاك لقاف
وهذاك قال الضب كبسة على الكيف
عبدالمحسن عيسى الغويري- شخيب
يافون كلم على خلي
كود الحرارة تجيب الصوت
لي حول ماشفت له ظلي
مادري جفا أو خذاه الموت
من عقبه القلب منسلي
والجسم يضعف وعاف القوت
عبدالكريم النغيمشي - الربييه
ياطيب حظي يوم جيت التيلفون
من شأن أساهم في حماية أخواني
تكفون يالحياة الفطرية تكفون
أحمو علينا قبل فوت الأواني
ناسٍ تصيد الضب من غير قانون
إسراف والإسراف ماله مكاني
حامد ماطر العصيمي- الدوادمي
بشروا بالعز ضبان الصحاري
عمدة الضبان شغل تلفونه
بهذلوه أهل الدتاسن في البراري
مع حمام السوق قاموا يجلبونه
عقب ممشى في الخلا شاف العزاري
أروح الشكمان ياولله المهونه
شبيب بن حمود بن جلهم القحطاني- محافظة المزاحمية
ياضب ماتلام تبغا الحمايه
من يوم شفتك ماسكن بالتلفون
الصيد يحما وانت مالك حمايه
لكن عساهم لاتصلتم يردون
اليوم صيدك صار مثل الهوايه
ناساً بصيدك بالمزاد يتحدون
عبيد فنيس الوهبي- النعيرية
التطور واضح في كل حاله
والتقدم صار للعالم وسيله
والبهايم لوبها زود الجهاله
ودها بالعلم تشعل للفتيله
وضبنا اللي صار من أكبر دلاله
يتصل بالهاتف يسأل عن عميله
خالد بن ناصر المخيمر -روضة سدير
نظرت الضب في صورة فريدة
شاهدت المنظر وشد انتباهي
نظرته بصورة خزامى الجديدة
على الهاتف معا الارقام لاهي
لقى الضب الموضح ما يريدة
ولم يبقى له الا كوب شاهي
سلطان بن حمد ابوشقاف الحبابي- الطائف
ياضب شكواك مسموعة
من فعلهم جيت متعني
في القيظ صابوك بالروعة
الرمح والرمي مايوني
كل العرب فيك مخدوعة
ياناس من أكل الجني
عائض بن نحاي المطيري - الخبر
وأنا بطلب النجده وأبشكي هل الصيد
ودور الحمايه مالقينا لها دور
بشكمان موترهم وجابولنا العيد
وصبوعلينا الماء يقولون مغرور
وأنا بنقرض ماشفت علم وتشديد
عسى الله يعجل بالفرج ياهل الشور
محمد عبدالله المجلي - حوطة بني تميم
فالمدينه والقرى والبر هاتف
من عطا الله ربنا جزال العطايا
التعاون والتلاحم والتكاتف
هو تميزنا على زين المزايا
زانت الدنيا وجاء للشر ناتف
واستلمنا الخير من رب البرايا
هذال بن سعيدان العصيمي
أبتصل وأطلب على الفور فزعات
وبأشتكي من سوء الأحوال وابكيه
ماعاد لي قدرة على المشي روحات
امحاصر حتى الجحر خايف فيه
تكفون من يحمي بقا الضب باثبات
ويرفع طلب لابن زنادة مشاكيه
سعود بن سعد الحافي - الرياض
عفواً ترى هاتفك ياضب مفصول
سدد فاتورة هاتفك ثم تكلم
بادر وسدد قبل يلغى على طول
وتصير من فعلك حزين وتألم
والمعذره ياضب لو زدت فالقول
هذه نصيحه وانت بالوضع تعلم
محمد عفار المطيري-عنيزه
تسعه صفر خمسة عطون الحماية
تكفون أبشكي شلة بهذلونا
إن هاجمونا ننقرض بالنهاية
وهم إذا طرت عليهم غزونا
ترى كلامي صدق ماهو دعاية
لونختفي بجحورنا غرقونا
على غنام الغنام- رياض الخبراء
خل اللقافه منت ياضب ملزوم
خل الهواتف والحضاره لهلها
خلك بدارك بين وديان واحزوم
وافياض غيث الخير عاد ودهلها
وإن زارك المشفوح يخبرك بعلوم
عن وقتنامحظوط من هو جهلها
فهد بن عقيل الطويان - بريدة
ياناس صار الضب عنده تلفون
من عقب ماهو عايشا بالصحاري
الضب شين وبالبلد صار مزيون
عقب البداوة صار ضباً حضاري
بالصيف زانت صحته عقب كانون
لونه غداء بين البياض وصفاري
زبن مقبل العنزي- بريدة
جيت أتكلم واشتكي حالنا الشين
من الهاتف الثابت على تيلفونه
ياريس الهيه عسى فالكم زين
عندي كلام ياعسى تقبلونه
حنا غدينا للنشامى نياشين
رحنا ضحية ضربة الساكتونه
يوسف بن منور الميموني - الرياض
طالب على الهاتف رقم الاحباب
نفسي اودعهم قبل يعدموني
اللي خذوني من وسطهم بلا اسباب
من بيت بري للمدينه خذوني
وداعت الله ياهلي إقراب واجناب
ما في حيله جماعه هزموني
بدر صالح الموسى - الخرج
اليوم جانا الصيف والقلب مشغول
بعض البشر بجحورنا داهمونا
اهل المواتر فعلهم غير مقبول
بالوايتات اليوم ياما اغرقونا
واليوم اتلفن للحمايه ابي حلول
تلحق علينا وتوقف اللي غزونا
محمد بن عبدالعزيز الخنيفر - أشيقر
الضب دايم ما يسدد فواتير
وليا بغى الخدمه لقى الخط مقطوع
واليوم ما تنفع جميع المعاذير
والمبلغ المطلوب مدفوع مدفوع
بالوضع هذا ما تفيد المعاذير
حتى الموظف قال ياضب ممنوع
عطاالله ابراهيم البلوي- العلا
ألوه ياحماية البيئة
يوم الحناشل يحوفوني
مع الأثر شفت رجليه
وناس عن الجحر حدوني
حتى نعولي ماهن بيه
ومن القهر هلت عيوني
عقلاء خزن الخمشي-تبوك
أبا أتصل وأوصل المضمون
تكفون ياناس سيبوني
ياناس أنا مثلكم تكفون
أكلتوا غيري وخلوني
هيا أتركوني وأنا ممئون
إذا الحمايه تناسوني
مطر شباط الفهيقي - تيماء
ياضب ياللي بالتلفون كلمت
شكلك حزين وعارفين علومك
بالحكمة سويت دعوى واقمت
تبي النجاة وتنتقم من خصومك
عقب الفرح فكرت وقمت وتندمت
ماعاد ينفع يوم فسر كمومك
خليل ابراهيم الدريبي الشبرمي- الرياض
ياضب ماينفعك من تستغيثه
غير الإله اللي عن الناس حافظك
خذ الحذر من رمى ناساً غثيثه
أحدن يحبك وأحدن اليوم رافضك
واستفزع ارجال الحمايه وحيثه
لوتتصل يمديه بسلاح ناقضك