يا فهد يفداك قلبٍ ما تهنى بالطفوله انولد شيله ثقيل وشال عن شيله ثقيل له حموله مير ما شالت معه اثقل حموله شاف من دنياه ما خلاه يرضى بالقليل من حبيبه ما تهنى من رفاقه ما صفوله يعلم الله كيف صابر ؟ كيف مدري ما يميل يا عضيدي لو تموت الآه في النفس الخجوله ما تموت الهقوه اللي تحتري طلة خليل انتظرته يا فهد دام الرجاوي أملوله واقنعوني في غيابه اشرب الصبر الجميل في يدي فنجال صبري ما شربته دام زوله غايبٍ عني وانا من دونه اسمع فالمقيل التفت شيخ الهقاوي قال مطلوبك تطوله اشرب الفنجال وابشر لا يهمك لا تشيل اقنعوني يا فهد واليوم عاد العيد حوله لا نفع صبري ولا قضى حوايجه الدخيل شمس حرمان المشاعر جففت ارض الحموله وارتحل شيخ الهقاوي عن بلاد اضحت محيل واتركوني شخص حاير من يعدد له حلوله والقوافي تسحب اثيابي تبي حضن الكحيل عزتي يوم القوافي لاح زولٍ لوحوله لين ما مر وتعدى عذبوني بالعويل يا وجودي وجد دمعٍ ما قوى يجبر هطوله ان جرى للناس شرهه والوقوف اصلاً ثقيل يا فهد حزني طواني واكتسب دور البطوله صار فارس والفرح شايب وبفراشه عليل يا سقا الله يوم كان السعد مكثرها خيوله والأمل يصحى من ارقاده على صوت الصهيل خايفٍ والموت خطفاته تجي دايم عجوله من يبالي للقوافي من سوى ذاك الحليل يا فهد شيبي بدى في وجه زايد في نحوله واصبحت كل الليالي بالضيا بدرٍ كميل والقوافي يا فهد ما عاد نظرتهم طفوله نظرة الشفقان للي من بعد عزه ذليل حان موتي لا محاله يا عيالي لي مقوله المحبه هي غريمي فاطلبوها والدليل عمري اللي راح لجل الحب في رجوى حصوله كم زرعت الصبر في أرض الهوى ما له حصيل واجتمع جمع القوافي حول راسه في رجوله كفنوا روحه و راحوا ما بكوه الا قليل قال أوسطهم تموت الآه في النفس الخجوله ما تموت الهقوه اللي تحتري طلة خليل حمزة الهاشمي
