اللغز

الأسبوع الماضي كان لغز الأسبوع من طرح الشاعر/ صالح عبدالله الزايد من عنيزة والذي يقول:
خفرة مستكنه يا ولد وش ترى
ما تخاف ولو إن النار في جوفها
إن خذت خطوة لابد ترجع ورى
خفرة لا مسكت الشارع تشوفها
وقد توصل للحل شعراً كل من:
لغزكم يالخزامى بالمدن والقرى
رفعتي دوك يالزايد ووصوفها
ذيك ولاعة ماغيرها لي طرا
يالله إنك تبغضنا بسر جوفها
منيف سعد الشريهي- الرياض
مرحبا مرحبابك عد نجم سرى
رمعتي ياعساها تشمل وصوفها
هي زناد المدخن لا طرى ماطرى
اختها اللي بجنبه تجمع قطوفها
سالم البشري- الجبيل
ياسلامي عليكم عد رمل الثرى
لغزكم يا ابن زايد بانت أوصوفها
ذيك ولاعة الموتر بلون اسمرى
لاركبت الغماره عينك إتشوفها
علي رشيد الرشيد- رياض الخبراء
لغز صالح قريته مثل منهو قرا
لين طلعت حله خمسة احروفها
بالمواتر تشوفه قاعده بالذرا
هذي ولاعة الدخان ووحوفها
ياسر الدفاع- عنيزة
قال منهو بحل اللغز فكره ضرى
ياسلامي على اللي كاتب حروفها
من قفاها سواد وزقمها أحمرى
هذي ولاعة الموتر وأنا أعوفها
صلاح بن عبدالله اليابس- رحيمة
كما توصل للحل نثراً:
محمد سليمان الضبيان- القصيم
لغز الأسبوع
كتبه/ محمد بن عبدالرحمن أبو دحيم من البدائع ويقول:
أنشد عن اللي ذكرتني بميعاد
فيما مضى واليوم شبه معدومه
يا زينها في وقتها جدال وعناد
واللي برك للحق زانت علومه
نستقبل الحلول على فاكس 4871070 خزامى الصحارى - لغز الأسبوع.
كما نرحب بطرح الألغاز الجيدة والجديدة