مرحوم يامقبّل رؤوس الجنودي

عزّي لعينن حاربت لذّة النّوم
يالله عسى حلو الكرى لَه يعودي
بان الخبر وبعد الخبر بانت اعلوم
من العالم أجمع ياعريب الجدودي
مرحوم ياسلطان مرحوم مرحوم
بيّن غلاك بكل قلب(ن) سعودي
وبان الغلا بين العرب واجمع القوم
على ان افراقك يابو خالد يكودي
فيك السياسه والدّها بدين مدعوم
عن دينك ودارك وشعبك تذودي
مرحوم ياحلو النّبا دايم الدّوم
مرحوم يامقبّل رؤوس الجنودي
ياما يمينك فرّحت كل مهموم
وياما وياما من كرمّها تجودي
وياما مسحت دمعت يتيم(ن) ومحروم
يروى حنانك يابسات الكبودي
وياما وياما ناصرت كلْ مظلوم
عزيز نفس وللخلايق ودودي
والله ماتحصى حسانيك برقوم
الله يوسّع لك مضيق اللّحودي
يالله يارحمن ياحي قيوم
تجعل له الفردوس دار الخلودي
بجيرة محمد والصحابه على دوم
ويالله لنا تبقي سندنا السعودي
نواف فراج البجيدي العنزي