ارخصوا برواحهم دون الحدودي كل واحد قتل واسقى القاع دمه اشهد انه من عريبين الجدودي صامل في واجبه محد يهمه ما حسب للموت واظلام اللحودي اعتلى هو وزملاه براس قمة بالشجاعة والحمية في الوجودي يوم جاهم مجرمٍ بالكف سمه وشب فيهم وارتكوا له بالردودي جندلوا به طايح في الارض رمّة بالرصاص الحي مزّاع الكبودي واجه اللي واجهه من كف عمه وحذفوا به للذيابة والاسودي خاينٍ دينه وفي ميثاق الأمة مفسد في الأرض دفان الجلودي عنك ما خلف لبوه الخير وأمه كود شرٍ في المقام وفي القعودي ومن بغى مثله يسوي دِيس فمه هكذا دربه ولا منه يعودي ولو حصل جرحٍ صعيبٍ في ملمة صابرين في رضا رب معبودي يجبر الله من تعرض له وعمّه يجبره جبّار مكسور العضودي القدر في اللوح مكتوب مسمّه ما عنه مهرب ولا منهج صدودي من صبر لله يجلي الله همه فاصبري يا عين والصبر محمودي اليتيمة واليتيم بصحبة أمه يفطر الله رزقهم من كل عودي والوعد في الآخرة نصر مجمّه صافيٍ منشاه من وبل الرعودي عبد المحسن القويفل القحطاني - الدرعية
