ودع اليوم سلطان

بسم الذي صرنا بفضله مسلمين
والحمد له أنعم علينا بالايمان
الموت حق ومن على الارض ميتين
واللي عليها زايل كان من كان
أحد(ن) يموت وما دروعنه الادنين
أو مادرى عن موتته أي إنسان
واحد(ن) خبر موته يهز البلادين
تهتز من موته مباني مع اركان
هز الخبر كل البشر بالملايين
من يوم قالوا ودع اليوم سلطان
ريف الارامل واليتامى المساكين
راع الكرم والجود والطيب عنوان
يفزع لمن جاله وما قال بعدين
سباق للخيرات مع فعل الاحسان
قاد الدفاع لنصرة الحق والدين
وخلى حدود المملكه بامن وآمان
وانشا مراكز طب للي مريضين
ومن يبغي علاجه يلاقيه مجان
ومن حبه الله كسب حب المحبين
وانزل ملايكته وقال حبو فلان
واروع مثل شفناه من بين الاخوين
الموقف اللي ترجمه فعل سلمان
ياخادم البيتين لو تدمع العين
ما الومها هذي تعابير الاحزان
ولو ماحضرنا كلنا لك معزين
في فقد منهو عندنا اعز إنسان
يالله عساه برحمتك قولو آمين
وعساه بالفردوس في ظلال وجنان
وصلاة ربي عد ورد البساتين
على النبي المصطفى نسل عدنان