تعزي القايد جموع المعزين الله أكبر كلنا لاحقينه مات الإمام اللي به الناس راضين زعيم الأمة كلهم فاقدينه اللي حكم بالعدل والحق والدين حكم كتاب الله وطبق لدينه مات الفهد صباح سته وعشرين قلوب شعبه عقب موته حزينه يا رب تغفر زلته قولوا آمين عساه بالفردوس مع والدينه يالله ياللي عادل بالموازين ضيفك فهد يا ربنا لا تهينه شيخ خدم شعبه على العسر واللين صان البلاد بحكمته عارفينه أخوه عبدالله لنا قرة العين شال الحمل من قبل يالله تعينه يعيش أبو متعب إمام المسلمين عقب الفهد هو ذخرنا ذاخرينه شيخ يحل الصعب في رايه الزين حكيم في رايه وعقله يعينه يسلم ولي عهدك كعام المعادين سلطان وقت الجد تفعل يمينه حر على كبد العدو سم نابين يقود جيش بالوطن حارسينه عيال شيخ وحّد اللي عدوين عبدالعزيز اللي عدل في سنينه المملكة محروسه براية الدين ثم الرجال اللي عليها أمينه الشعب كله للحكومه وفيين اللي طلع عن صفنا دايسينه اللي يخون حكومته خالف الدين طاوع ابليس وشربكه في يدينه مدحور ياللي جندوك الملاعين أهل الضلال مخربين السفينه خسران يا من بدّل الزين بالشين من طاوع الشيطان يصبح عوينه حكامنا في طاعة الرب ماشين العدل والإسلام متوارثينه بشاية الله يدحرون الشياطين اللي نواياهم علينا لعينه يالله ياللي كلنا له مصلين أخذل عدو الدين وإكشف عوينه صلاة ربي عد طلع البساتين على نبي كلنا تابعينه محمد اللي عامل الناس باللين يالله عسانا نتبع صلب دينه
