يا شين علم زارني يوم الأثنين كدر على نفسي وصارت حزينه مطلع بداية يوم سته وعشرين ذاعو خبر ماكان متوقعينه فجيعة هزة قلوب الملايين وقلوبنا للحزن صارت رهينهن مرحوم ياخادم وحام الحرمين يا درعنا يا والد فاقدينه يا فزعة اللي يشكي الهم والبين والطف على الملهوف من والدينه زعيمنا وزعيم كل السلاطين اللي بحزم وعدل قاد السفينه ربانها والقايد أربعه وعشرين مسخره ومن أجل شعبه ودينه وعلى العدا ما يقبل اللطف واللين يضرب على الطاغي بيمن متينه وقايد للأمة في جميع الميادين وفي عسر ولا يسر يضحك جبينه مهما مضى من وقت وأيام وسنين يبقى فهد فاقلوبنا حاملينه لو البكى يجدي لمن راح ياحسين أغرقت ثوبي بالدموع الحزينه وأبكيه لو كثر البكى يعمي العين والله لاضحى بالعيون الثمينه لكن درب وكلنا فيه ماشين الموت حق وكلنا لاحقينه ويالله يا قابل صلاة المصلين ياعالم الخافي ومافي الضغينه تجعل مقره في رياض البساتين وبرحمتك تنزل عليه السكينه عساه فالفردوس ضمن السعيدين ويأخذ كتابه سالم في يمينه أبو اليتامى والضعوف المساكين وخليفته بالطيب متذاكرينه من آل السعود مرجحين الموازين للشعب فنجال الوفاء شاربينه نفخر بهم قاده وفالحق وافين والليث ينجب ليث داخل عرينه ونفخر بأبو متعب زعيم الميامين الله على حمل الأمانه يعينه والله يعظم فاجركم يا معزين ويجبر عزى الشعب السعودي فامينه
