أربع وعشرون يقود السفينة

يا عين هلي الدمع يا عين هلي
لا تذخرين الدمع لا تذخرينه
واللي حصلك يا عيوني حصلي
متقاسمين الحزن متقاسمينه
والحال مني ناحل مظمحلي
والناس مثلي يا عيوني حزينه
هذه حقيقة الأمر ما هو تسلي
أكبر زعيم في العرب فاقدينه
يا الله يا اللي لك نصوم ونصلي
يطلبك من زار الحرم والمدينه
يا ربنا اللي فوقنا ترحم اللي
أربع وعشرين يقود السفينه
أربع وعشرون بعز محلي
وعلاقة بين ا لخلائق متينه
لما هرج هرجه لشخصه يدله
واخلص لشعبه في حياته ودينه
منجزاته ما حصاها سجلي
ولا حصاها التاريخ يا كاتبينه
مرحوم يا اللي دائم مسفهلي
والموت كاس كلنا شاربينه
ويعيش من خلاء المشاكل تولي
ومعاهدين اله ومعادينه
عبدالله الحاكم وكل يهلي
كل يهلي به عسى الله يعينه
واليا حضر صعب الأوامر تحلي
ويحالفه نجاح قوة يقينه
ولي عهده شوفته ما تملي
سلطان سلطان السعد خابرينه
مواقف ما عاد عنها تخلي
متوارثين الطيب متوارثينه
من عهد من حول سوات المظلي
ودحر وجيه الشر واظفاء السكينه
عبدالعزيز الشيخ الادهاء الأجلي
شرع دستور كلنا تابعينه
وان غاب نجم النجم الآخر يطلي
والشكر لله ما علينا غبينه