عسى الثمر من جنة الخلد يجنيه

رثاء في المغفور له سعد بن عبدالعزيز العيد رحمه الله وطيب ثراه-
بديت باسم الله عالي الشان
الواحد المعبود ما خاب راجيه
مش القلم يابو محمد على اللان
واكتب بيوت الخزن من صدر راعيه
البارحة مانمت من حر الأحزان
أصبح يهز القلب من حر مافيه
العين تذرف دمعها فوق الأوجان
مثل المطر يذرف على الصدر صافيه
ياشين علم الحزن من بد الاعلان
لا ينخفي علمه ولا ودي أطريه
عزاني أبو خالد وثارن الأحزان
يبكي يعزيني وأنا مثله أبكيه
تكلم الهاتف وذاعو با الأحزان
أبو فهيد حقا على الكل يبكيه
حبه وضع للناس من رافع الشان
من صغرته كلن يحبه ويغليه
يابوي ياللي يوم الابوان قشران
هاديه ربه ماتشوف الغضب فيه
من يوم عرفته ما تعرض للإنسان
ولا كلمة زلت ولا أحد حكى فيه
أبوي ياروحي مريض وتعبان
ماجت حياته زينه والمرض فيه
الصدر تعبان ومن الخير مليان
حافظ كلام ويرجي الله حسانيه
صلوا عليه العصر شيب وشبان
يدعون له يالله من النار تنجيه
شالوه في الصالون عيد وعجلان
نعم بهم كلن يحبه ويغليه
حطوه في مقبررة وحيدٍ مسيان
الله يونس وحشته عند واليه
يالله عسى قبره يفرش بريضان
وعسى الثمر من جنة الخلد يجنيه
ويجعل مقامه جنات ورضوان
ويحشر مع اللي يخاف الله ويرجيه
اجبر عزانا فيه يامنشي الاكوان
واختم له الاعمال بأكثر حسانيه
ونشكر من واس وشارك في الأحزان
اللي على المنبر يعدد حسانيه
نكشر مطوعنا الخطيب ابن جمعان
اللي صدق في القول والرب هاديه
عبر عن شعوره بصدق وبرهان
محبته لله وهو مخلص فيه
عساه من قوله يجازي بالاحسان
حنا وهو واللي من الناس يوحيه
تم الجواب اللي نظمته على اللان
أبدأ بذكر الله واختمه بتاليه
وصلوا على المختار من نسل عدنان
أعداد من زار الحرم وسعى فيه