الاسبوع الماضي كان لغز الاسبوع من طرح الشاعر خليل ابراهيم الشبرمي من الرياض والذي يقول: ياويش ورع جاب علم بلاحس ودايم علومه بالدقيقة دقيقة بالعود له دس وبالورع له دس ولا يفيد الا بحرٍ وضيقه وقد توصل للحل شعراً كل من: هلا هلا مافاح ورد على رس في ظل لولاح عسير طريقه واللغز عن زبدة معانيه ماهس قياس الحرارة شاهد بالحقيقة نافع الحربي - الرياض اهلا عدد ما الصبح بان وتنفس في شاعر جاب المثل من رحيقه والحل ترمومتر ان زاد وان هس الحل دوك اياها مثل الوثيقة منيف سعد الشريهي - الرياض يامرحبا باللغز واللي يونس واللي عرض لغزه بفن وطريقه والحل عندي كان ماخاب لي رجس الترمومتر اللي علومه حقيقة ناصر بن هديرس - الرياض ياحي من جاب المثل ما تعومس واللغز حله عندنا في دقيقة الترمومتر حله عن الصدق ماهس اي والله انه جاب علم حقيقة دخيل الحسيني - الرياض ياللي حبكت اللغز ياعنك ماهس ولا خير باللي ما يقول الحقيقة ودع صغير ولاجل الاطفال يندس ترمومتر يعطيك قياس حقيقة خليف الحربي - الرياض اللغز ياهل اللغز واضح بلادرس في كل مستوصف وله كلم طريقه هاكم جوابه من غزير الهواجس هذاك مقياس الحرارة حقيقة محمد ابوعبيه المقاطي حي الخزامى كلما الصبح عسعس وارسل جواب اللغز بحق وحقيقة جوابه المقياس له صوت مع جرس بيد الطبيب بين حر وضيقه بدر عبدالله العسكر - الخرج يالشبرمي لقيت لغزك يونس عزالله انه لغز حق وحقيقة حرارة الرجال مقياسها بس عند الطبيب ووصفته كالوثيقة عطا الله ابراهيم البلوي - العلا باجيب حل اللغز لو هو ورى الشمس ولو هو تخفى بالبحور الغميقة ولو هو مع الدكتور بالجيب مندس فيه الحرارة قامها ما تعيقه محمد عبدالكريم الشايع - بريدة خليل لغزه ما تأخر ولاهس كنه هدية من صديق لصديقه دكتور بالمعنى فهيم وتحسس ترمومتر بالفحص يعطي حقيقة فالح غازي الحربي - رياض الخبراء زرت الطبيب اليوم وامس وقبل امس اشكي المرض لاشك مقدر اطيقه فيني حرارة والسبب وجع هالضرس وترمومتر بالعلم جاب الحقيقة عبدالله بن مشعي ال مطلق - الافلاج يامرحبا ترحيبة مالها جنس واخصها للي ينومس رفيقه الحل واضح مثل ما تاضح الشمس قياس الحرارة وحرها ما نطيقه عوض الخمعلي اللغز وارد واصل جمة الرس اللغز محكم في وصوف دقيقة ترمومتر يخبرك لاحس وش جس هذا القديم وجا جديد الطريقة سالم البشري - الجبيل يالشبرمي لغزك قريته من الامس وسط الجريدة في الرياض العريقة لارحت للدكتور مع خاطر عمس تريمومتر حطة وجاب الحقيقة حسن الحوتان التميمي - حوطة بني تميم يامرحبا يقولها لك اليابس من قلب مخلص والمشاعر عميقة الحل مقياس ياصاحبي قس حرارة الطفل الصغير تعيقه صلاح بن عبدالله اليابس - رأس تنورة ارسلت حلى للخزامى وبالفاكس وفكري بحله ما تجاوز دقيقة ترمومتر عساك تسلم من العمس عند الطبيب يشاف والا رفيقه محمد بن عبدالرحمن ابو دحيم - البدائع يامرحبا بك عد نسناس مانس وعداد برق شاق عيني بريقه الحل مقياس الحرارة ولاهس عنه حقيقة لو تبون الحقيقة حجاب مخلد الظويفري - عنيزة اهلاً عدد من قام يكتب ويدرس واعداد من يمشي ويسلك طريقه لاجيب ميزان الحرارة لها قس يصير حل اللغز عين الحقيقة علي رشيد الرشيد - رياض الخبراء يالشبرمي عزالله انك مهندس في جيبتك هاللغز هذي حقيقة حق الحرارة يوم يطلع وينكس دايم مع الدكتور يكشف طريقه ياسر محمد الرفاع - عنيزة كما توصل للحل نثراً كل من: عبدالعزيز سليمان المحسن - بريدة، عبدالعزيز عبدالله العمار - الرياض، عامر بن سويلم الجليدي - الخرج، خالد عبدالله العثمان - نعجان، بدر صالح بوحيمد - الرياض، جميلة محمد الحيدان، ليلى دخيل الغانم، خالد ابراهيم العريفي - ابها،متعب بن محمد الغرب-الرياض،فياض السويلم-الرياض. لغز الاسبوع كتبه - محمد عبدالكريم الشايع من بريدة ويقول: ياويش بنت زوجوها لرجال واللي جمعهم شب نار الزواجي رجالها للحمل صابر وشيال والبنت للرجال مثل العلاجي نستقبل الحلول على فاكس 4871070 خزامى الصحاري - زاوية اللغز - كما نرحب بالالغاز الجيدة والجديدة.
