عواكيس

* الاخ معكوس المحتر م
لماذ رفض اللاعب فهد الهريفى التكريم عن طريق جماهير النصر بعد مشواره الطويل فى مجال الرياضة؟
وهل لو كان فى اندية اخرى يحصل له ماحصل؟
متعب صويان الشمرى
- مكافآت الطلاب هالايام ما تتحمل والاجازة بدأت وافهمها يافهيم!
* ما تشعر يامعوكس ان استقالة بعض الناس عشان يترشح لرئاسة ناديه هي هروب بطريقة مؤدبة يوم عرف ان شيلته قربت!؟
نواف العجمي - نجران
- الا توهق وآخرتها راح يصوت لنفسه ويحاكيها بعد!
* ايهما افضل برأيك يامعوكس عبدالعزيز الخالد، وعبداللطيف الحسيني، وعبدالعزيز العودة، وفيصل البدين، وعمر باخشوين، وسمير هلال، ومن ترشح ان يكون مدربا رئيسيا في أحد المنتخبات؟
حمد العويرضي- مكة المكرمة
- عند ابو مسحل الخبر اليقين !
* السيد معوكس يوجد "مراسل" في احدي الدوائر استغل ثقة المسؤولين ووضع أرقام المواقف بألوان ناديه؟
أبو مصعب - الزلفي
- أكيد عنده عمى الوان وما القى من يخليه يلبق بالمكان الصحيح!
* بشر يامعوكس عسى اللي سمعناه صحيح يقولون انك رايح تصير منسق اعلامي في أحد الفرق بسبب علاقاتك الجيدة مع المدير عقب حصولك على الماجستير في الحش.. ما قلت لنا من اي جامعة الله يسلمك؟
خالد الزهراني - الباحة
- جامعة هارفارد في هونج كونج!
* ماذا تتوقع ياعكوسي لابن داخل مع الاتحاد واعتقد انه يحتاج الى دعم من بعض "المؤثرين" خصوصا انه جديد على كرسي الرئاسة؟
صالح باحميد- جدة
- اتوقع له النجاح الباهر اذا ابتعد عنه "الفشار" و"شلته"!
الحارثي
* كيف ترى يامعوكس تعامل بعض الاندية مع صفقاته وعلى ماذا تعتمد"؟
احمد السعيد - الرياض
- تعتمد على سرعة "تويتر" والى اين التسريبات؟!
* لم نلمس يابو العواكيس للحملة التي سبقت انتخابات الاتحاد من أجل عودة "البعض" اي اثار ايجابية لصالحهم برأيك ما هو السبب؟
حمود الفويرقي- الطائف
- السبب ان الخطة لم تكن محكمة وفكرة "عميد ال..." والفرقة اياها طلعت فالصو!
* معقولة يامعوكس التايب يبحث عن اللعب لاندية الدرجة الاولى قبل التوقيع للنصر الكويتي؟
سعد حقوي - جازان
- اهم شيء ابن عمك لقا على فريق يشجعه والا لا؟
* الاستاذ معوكس ليه ما يضمون رئيس رابطة مشجعي الاتفاق الى المنتخب ويكون مساعد للقرني وبرقاوي؟
فهد الدوسري
- هذا اللي ناقصنا يافهد وآخرتها الله يستر!
* الى اكبر معمر في الصحافة معوكس هل صحيح انك متغطرس عبر الاعلام وانك خلف الاضواء "ما عندك احد" ودائما ما تستعين بأكثر من صديق لتلميع صورتك بالكلام الفاضي الذي لا يعكس واقعك الحقيقي وازدواج الشخصية لديك!
يزيد الغضوري - تبوك
- شف نتائج الغطرسة مع بعض الناس رايح فيها.. وآخرتها يصرح ويهاجم بلسان غير!
* العزيز معوكس صراحة احزنتني العلاقة المتوترة بين سعد الحارثي والنصر عقب اللي كانوا يحلمون بالتصوير معه!
سعود الروقي- الدوادمي
- قلناها قبل للاعبين امنوا مستقبلكم ولا يغركم بعض المعجبين!
* الاخ معوكس انتبه لنفسك ترى هناك من يسرب اخبارك ويجيبها لنا أول بأول؟
خالد التميمي- الرياض
- والله لو أنها اخبار بعض الصفقات، اللي ما عنها وعن "الاصدقاء"!
* ما هو اول قرار ستتخذه يامعوكس لو خدمك الحظ والدنانير وصرت رئيس ناد؟
عادل الظفيري- حفر الباطن
- اطلب تتغير اسم النادي عشان اقهر الرؤوساء اللي قبلي وامسح انجازاتهم!