الوالدين اغلى كيان عرفناه

] بامي وابوي القاف لحظة دعيناه
لبا وسما وانتخى ثم دعانا
لولا الوفا بحقوقهم ما كتبناه
ولو نكتبه في حقهم ما وفانا
امي لها فضل من الله عطاناه
الخير تحت اقدامها والجنانا
امي احملتني بالكدر والمعاناه
تسعة شهور تشيلني ما توانا
حلو اللبن من صدرها قد رضعناه
حول سنتين اليوم ما سرع نسانا
كم ليل لعيوني تباته معناه
ما تهتني بالنوم قبل الاذانا
تحزن ليامن لذة الزاد عفناه
وكم مرة نسهر وتسهر معانا
فيها حنان الكون كمه ومعناه
فيها صدوق الود واضح وبانا
امي لو اذكر فضلها ما حصرناه
يكفي لو اذكر حملها كيف كانا
وابوي فضله فوق ابد ما نسيناه
وش لون ننسى واحد قد ربانا
يا ما تعب يا ما راعانا بعيناه
يا ما طلبنا منه يا ما عطانا
يتعب لجل يحفظ كيانه بيمناه
شامخ وينزل لجلنا لا لقانا
بنوره بدينا دربنا اللي مشيناه
نسمع خلاصة خبرته لا بدانا
ابوي ابيع الكون كله لعيناه
له في سويدا القلب قدر ومكانا
الوالدين اغلي كيان عرفناه
نرجي رضا الله ثم رضاهم رجانا
احقوقهم تطغي على اللي ذكرناه
ماتنحصي ما تنجمع لو بغانا
لو جهدنا لعيونهم ما ذخرناه
لا طرف حدود حقوقهم ما دنانا
اللي نبيه من الولي ونتمناه
يعيننا في برهم ويهدانا