هلا يا راعي الإحسان

هذه القصيدة محاولة للتعبير عن الفرحة بعودة سمو ولي العهد الأمير سلطان بن عبدالعزيز لأرض الوطن بعد رحلته العلاجية الناجحة.
الا يا هجوسي حضري طيب القيفان
وهاتي جزيل الشعر يكفيك تأجيله
حلات الشعر لا صار في خيرة الشجعان
بزين اللحن والقول والقاف والشيلة
يجي طيب المنطوق ما يبخس الميزان
على اللي يفسر منطقه سهل تأويله
طلبت المعاني كلها تنزل الميدان
ولو غاب عني قاف مجبور اوصي له
وهلت هماليله من الغيث والامزان
على فكر منهو يجلب الخلق تحليله
انادي حمام الورق يشدي لي الالحان
لياذعذع النسناس زانة مواويله
بزين الشعر لا صار في سيدي سلطان
جميع المثايل فيه ما تقبل الميله
تناثر بيوته كنها اللؤلؤ والمرجان
على جودة المنتوج مضمون تسجيله
صدوق المثايل فيه قولن على برهان
لياشافته في قمة المجد تومي له
تماري بفعلن صاملن يرضي الصدقان
لياقاد لو الحرب شبت مفاتيله
تقول الوفا والجود في قايد الفرسان
كريم السبال اللي من العز تكميله
حليمن حكيمن لصعب المعضلة فهمان
ولا همه اللي لردى زاد تطبيله
أبو خالد اللي مدته تغني الفقران
جزيل العطايا مدته توفي الكيله
بعد طالت الغيبة وجا للحظور اشجان
نقدم ولاء ما يقدر الوقت تبديله
هلا مرحبا بك عد ما ينزل الهتان
من البارق اللي سامرن في دجى ليله
هلا مرحبا بك عد مزنن معه ربان
غزيرن ثقيلن ما توقف هماليله
هلا مرحبا ترحيب يا مركم الضيفان
من أهل الكرم والجود تلفي مراسيله
هلا يا كريم الجود ياراعي الاحسان
هلا يازبون اللي من الضيم يشكي له
هلا يا عضيد الحاكم ونايف وسلمان
عضيد لبو متعب تحبه وتاوي له
عيال الزعيم اللي جعل للوطن حدان
ابو تركي اللي كايد الحمل يركيله
جمع شمل شعبه لين صار الجميع اخوان
حرار الصقور اللي على الطيب تلفي له