صوت الصورة

ياللي تقص أشجار ظل الطبيعه
خله اضلال عن لهيب القوايل
ألزم يمينك بالخطوط السريعه
زود على فعلك ترى الحمل طايل
راشد النملة – البكيرية
الموتر اللي صوت مشيه حفيفي
لونه خضر باهت ويموه بالاشجار
يقبل كما المقفي بزود الوحيفي
إن وقف ضيّق وإن دعس بالحمل طار
سعد الحماد- روضة سدير
كدش فوق راس قلابي
مغطي الراس و السطحة
لا يجي باكر بطيحني
يطلع الكفرات والسطحة
عبدالرحمن صالح الدحيم – الرياض
وين انت يالقلاب رايح بالشجر
ماشلتها الا يوم جا فصل الربيع
هو ماكفاك المنظر بدرب غبر
تستاصل الخضرة ومنظرها البديع
عبدالعزيز الصالح – حائل
ياراعي القلاب وين البعارين عنك
ترعا وتفلها بين يدينك
الحمل زايد والقانون مستحي منك
ولولا الحيا كان كلبش يدينك
عبدالعزيز محمد الحمالي – القصيم
ياشايل الاشجار وين انت رايح
الناس تزرع وانت تقلع شجرها
منظرك في الشارع يجيب الفضايح
راحت ورجل الامن موقف خطرها
نايف نياف العتيبي – الرياض
يالله تحفظ لنا كل غالي
أشوف لي حملٍ شكله يميلي
راعي الدنا بالخطر مايبالي
وش حده على شيل الثقيلي
محمد الخثلان - الحريق
وين النظافه.. والنظافه بعيده
يقطعون أشجار ثم ينثرونه
هذا جهل ولا نفوس عنيده
وين الرقابه لا زمن يوقفونه
محمد بن عبدالعزيز الخنيفر - أشيقر
صورة العدد الماضي
يا بكر اتصل على أقرب دورية مرور
خلهم يعطون راعي القلابي مخالفه
والا عطني رقم اللوحه وعداك القصور
ان ما دخلت التوقيف ما عندي سالفه
محمد سعد القحطاني - الرياض
يا صاحبي احذر ترى فيه تفتيش
للشيله اللي عاش ابن جبر يومٍ رصدها
من سار خلفك صارت عيونه مراميش
خايف يطوفك الطوفه اللي ما حمدها
خالد بن ناصر المخيمر - روضة سدير
شيءٍ نشوفه ولا نرضاه
وهذي طبيعه ومرفوضه
وين الرقابه يجب تنهاه
يا ناس هذي ترى فوضه
ريان محمد الخنيفر - الرياض
نستقبل مشاركاتكم الشعرية على الفاكس رقم : (4871070)
أو الايميل الخاص صفحة الخزامى:
RB-khozama@alri​yadh.com
زاوية (صوت الصورة) ونرحب بالصور الهادفة والطريفة.. ويا هلا.