حرب النشاما

الله اكبر كبرو ياهل الشان
يوم ارسل الحد الجنوبي وصيه
من معركة حرب النشاما بجيزان
وصوت القفوش ونغمة البندقيه
ومن الجبال الشامخه فوق دخان
اللي وراها ترمي المدفعيه
ومن الرميح اللي على حد جحفان
نقصف عدو الدين بالمروحيه
جيش الصحابه ما بدى فيه نقصان
الدين واحد والموارد مليه
دستورنا يامة الخير قران
على كتاب الله وسنة نبيه
يا شيخنا يا شيخنا يا كحيلان
يا صاحب النفس الصدوق الزكيه
ياللي على يمناك حطيت سلطان
والنايب الثاني على الداخليه
امر وتلقانا على الحد سيان
لجل الوطن نارد حياض المنيه
بالارض دبابه وبالجو عقبان
وعلى البحر تجري رياح عتيه
مال العدو عن مخلب الحر مزبان
( تخّطفه) شهب الضواري عشيه
حنا شبوب الحرب لو كان ما كان
وحنا هل الوقفات يوم اللقاء بان
وحنا هل العادات واهل الحميه
والله واللي فارض خمس الاركان
انا عليهم كالسيوف المضيه
ماهو غرور الا تواضع وعرفان
خوف ورجى وايمان واخلاص نيه
الرائد البحري الطيار - محمد لطيف العنزي