شيخة العواصم

يا أمير ياللي عن بلاء الوقت مزبان
يا أخو المليك اللي عزيز جنابه
يا ابو فهد يا أخو فهد يا أخو سلطان
يا أمير نجد وما علا من هضابه
عذراء خذت قلبي لها العقل ولهان
بنت لحاله والمزيّن تشابه
عذراء لها بالقلب موقع ومسكان
وقلوب سكانه خذتها نهابه
قبلي وقبل الناس له قلب سلمان
يا أمير تسمح لي اقبل ترابه
هذي رياض المجد ماهي بالأوطان
سعودية يزهاه زاهي حجابه
شيخة عواصم ما تبي قول برهان
مهابه وتبقى عزيزه مهابه
أم الشريعة والعدالة والاحسان
درس الضحى كل قراه ودرابه
عزه بعز العود وطيور حوران
عبدالعزيز اللي بنفسه سطابه
عبدالعزيز اللي على الناس شفقان
للعدل سيف وفي يمينه كتابه
حتى استوت له بين عمان وعمان
بالدين والتوحيد والا حرابه
وخلف حرار طويق بالعز له شان
صوارم راع الصقور يغوابه
حكام ما مروا على كل الازمان
قاسين وفي وقت الحبابه حبابه
ردو حكم جابر على قصر دسمان
وخلو على بغداد مثل الضبابه
واللي بنفسه شيء ولشيء شرهان
يقبل على الديره ويركب ركابه
والدار من دونه ضواري وشجعان
والله ليرجع والحصيل الخيابه
حنا شعب واحد على قلب ولسان
واللي تهور ما حسبنا حسابه
نواف نهير العلوي الشمري