صوت الصورة

يا راعي الجيب والصوره
بالله لا تجرح شعوري
الكبد في القنص مفطوره
كم لي وأنا أحسب شهوري
ماجد عبدالله المحياني - الخرج
الصيد مسموح به أوقات وأوقات
ممنوع فيها الصيد يا فاهمينا
والصيد ما هو لعب يا أهل المروات
ولا عبث بالثروه اللي حمينا
علي بن معاضة - الرياض
المسألة ما هيب حرباً على الصيد
مالك فخر لو صدت من الريم قطعان
وتطرد وعول من على مقرب البيد
بعصابة وإسلاحهم صنع الألمان
سعود عبدالعزيز الهزاع - نعام
ياللي قنصءت الصَّيد لا تفني الصيد
لجءل يتكاثر دار الحوءل تلءقاه
الصيد جوره يفني الصيد وإيءبيءد
وإحءماية البيئه لها شرط تقراه
فهد بن عقيل الطويان - بريده
اقفن على خدا رصد فيه قناص
وأثره على الجره مع الدرب ساير
حل الشوازل واقتفى الصيد بالشاص
خوفي على ما قيل بالصيد جاير
سعد الحماد - روضة سدير
يا مسنّد البندق على الشاص الأشهب
ومعلق صيده عشر كالذبايح
صيدك جزيل وخوّتك جد مكسب
ما هيب خوّة جامعين الفضايح
إبراهيم بن راشد السبيعي - الرياض
شفت لي فريده بالخزامى
صورة الشاصي وبه صيداً عديد
يا هل المقناص يالربع النشامى
ارفقوا بالصيد حتى انه يزيد
عقلا خزن العنزي - تبوك
شاص على جنباته الصيد وسلاح
حاصول يمناً ما تهوز الرديه
غير إنها جارت ولا باقي أمراح
إلا وتمخلا وسط نجد العذيه
صالح عبدالعزيز السويح
يا معلَّق الغزلان في جنب هالشاص
ما تدري إن الصيد له وقت وحدود
وإلى لفيتوا من المقناص
كلَّن يعرض الكسب ويجود
عبدالكريم عبدالرحمن السلوم - القرائن
غلطان ثم غلطان يا صاحب الشاص
واللي نشوفه ما حد اليوم راضيه
وين الحمايه عنك ثم وين الاخلاص
واللغز واضح ما خفتكم معانيه
محمد بن عبدالعزيز الخنيفر
عشره وواحد هو عددهن بالتمام
والبنادق جنبهن في جنب شاصي
أقنصوا صيد المها وروحوا قدام
والديار بعيد من غرب النماصي
حمد عبدالله الوايلي
يا رجل لا تصور الغزلان
ما ينفع الذكر والصوره
يا ظبي روح مع البران
وأرتع في ظل اخو نوره
شبيب بن حمود القحطاني - المزاحمية
الصيد وافر والجماعه بواريد
والجيب شاص ومستعد للطرادي
حاولت أعد الصيد واخذ ثم اعيد
لكنها واجد وهذا الوكادي
محمد عفار المطيري - عنيزة
نرحب بمشاركاتكم الشعرية حتى مساء الاثنين على الفاكس رقم 4871070أو الإيميل الخاص بصفحة الخزامى:
khozama@alriyadh.com
زاوية: (صوت الصورة) .. ويا هلا