يا حي شوف البر لو كان صوره تكفي وشوفه فرحة القلب.. والكيف يا زين شوفه يبعد القلب جوره ويسلا عن همومه بروس المشاريف نفل محمد الدوسري - الأفلاج برد وضباب وثلج والسيل يزداد والجيب غرز والدبل ما يفيده وأرضٍ خلا لو صحت بالصوت مافاد ما غير هالفروه وداري بعيده فهد بن عقيل الطويان - بريدة وقفة تأمل واقف العود مبهور على بساط الثلج عينه تلدي يقول كني عابر القطب مجبور رحلة تزلج ماجرت وقت جدي عبدالحكيم طلق العضياني - الرياض البر بارد وجيبي شاص ولاظن فروه تدفيني وشباط جانا مع المقناص يقطع قلوب البعاريني ماجد بن هاجد الحنتوشي - ساجر ماني موده ولاني مضيعٍ حاجه لاكن رجلي خلاص اعتادت السجه البر عندي ربيع القلب وعلاجه أبرك من مقابل أهل الهرج والدجه محمد عفار المطيري - عنيزة لا والله اللي غرز الجيب يا اخوان وين النشاما اللي تدف الجيوبي راعيه لابس مشلحٍ له وبردان والواقي الله والهبايب جنوبي محمد عبدالرحمن الشريم - الرياض البرد وصلك يا راع الجيب والثلج هلت مراويحه البشت ما ينفعك يالذيب شب الحطب رمثه وشيحه دامغ بن محمد الدامغ - روضة سدير اللي نوى البر.. والمقناص في منجم من العرب خالي والموتر من الوكاله شاص توه من الوارد التالي مسفر بن ثابت القحطاني الشاص ضيّق بالمطر صدر راعيه جاه المطر والسيل برضٍ خلاوي والشمس غابت والخطر نازلٍ فيه والموت عنده والحياة متساوي عقلا خزن العنزي - تبوك الصوره رائعه يا ما حلا المقناص والكشته وتسلم يا بكر هذال ويسلم صاحب الصوره تلطم بالعمامه راعي الشاص ولبس بشته وراح يعسّ له في ديرةٍ بالخير ممطوره شبيب بن هذال السبيعي - الرياض الجو بارد معاه أمطار والشاص واقف ومفتوح بابه راعيه حوّل وهو محتار السيل خمّر له ثيابه عبدالرحمن عبدالعزيز الماجد - ثادق يا زين وقت السيل لارويت الأرض وجو المطر فيه الفرح والسعاده لبست كل السوق وامشي تقل عرض ومن الفرح ودي اصلي عباده عبدالكريم النقيمشي - الربيعية يا مصور المنظر فداك اللاش حبست الضو واشعلت الحنايا ضو تذكرنا الفياض ومرتع الادباش عسى الله بس يسقيها صدوق النو عقاب بن سقيان العتيبي - الجمش الشاص راعيه حول عنه بالمره من بعد شرف ولا شاف الازاويلي والذود ماشافه ولا شاف له جره والثلج غطا الاثر من تالي الليلي محمد سعود الدوسري - الخرج زاد البراد وجمّد الما في السهل والوادي وفي بيتنا وقت الفجر ما صب مع صنبوره وبلادنا اللي في شمال المملكه في جهادي مدوهم بلحف وفراء كل على ميسوره ماجد عبدالعزيز الثميري - المجمعة أيامنا هذي ترى البرد يشتد ولا تكثر الروحات يم البراري والله يجيب السيل ويخفف البرد وتخر أراضينا وكل الصحاري محمد بن عبدالعزيز الخنيفر - اشيقر الشاص حاص ولا مشى في طريقه حتى الدبل لو عشقه ما يفيدي ثلجٍ جميد وفي طريقه يعيقه وراعيه حاير بين برد وجليدي حمد عبدالله الوايلي - حوطة سدير يا عم ريّح وقض اليوم في مجلسٍ تشتعل ناره وان كان في طلعتك ملزوم فحذر من البر وأمطاره سعود بن عبدالعزيز الهزاع - نعام مقرود من هو وسط الأمطار دواج حتى لو ان اللي معه جيب شاصي لو هو رزين العقل بالبرد ماداج وش حيلته يوم ان جيبه يغاصي مشعل محمد الجعفر - الرياض يا راعي الجيب صدق الجيب سياره وراك مع سكت الامطار وهقته لا تحسبنه يا رع الجيب طياره واليا تعطل مع البران طيرته سلطان خالد وسمي الزنغوب @ نستقبل مشاركاتكم الشعرية حتى مساء الاثنين على الفاكس رقم 4871070أو الايميل الخاص بصفحة الخزامى [email protected] ويا هلا.
