صوت الصورة

لياسلت الوديان لا تقطع السيل
نصيحة مني لحضرة جنابك
لو كنت رجلاً من خيار الرجاجيل
إذا نطحت السيل جرى وغداء بك
زبن مقبل العنزي - بريدة
الحمد للي ارسل الخير هملول
عقب الجفاف ديار نجداً سقاها
راع الونيت اللي طبع طين وسيول
لو زاد سيله والصلف ما لقاها
سعد الحماد - روضة سدير
كل من غرز وعلّق في وحل
تو مخيال وبراق وغيومي
ينقذه جيب يعشّق بالدبل
جيب تايوته عسى عزه يدومي
مسفر بن ثابت القحطاني
يا زين شوف السيل من بعد مدّه
من بعدها ياجي الحيا والربيعي
يا شاص هذا اللي نشب روح شدّه
والله يجازيك البصير السميعي
ناصر الأسمري - بالسمر
يا راعي الشاص ربي رافعاً شانك
لا صرت دايم لخلق الله تسعفها
لو خان وقتك ترى والله ما خانك
لو كنت بأرض هلاش السيل عاسفها
محمد دحيم الحبردي - الزلفي
يا حلاة السيل يبهج كل خاطر
يكشت الكشّات والاجواء جميله
مير روحك لا تلفيها المخاطر
أحذر أحذر لا تعرّض في مسيله
مقرن بن متعب الهرف - الرياض
يا راعي النيسان غرقان بالسيل
والشاص فاز عله يبغى يجره
ما تدري إن السيل غدار بالحيل
كم واحداً قبلك غدابه وجره
طعيميس هابس العتيبي - الرياض
وادي كبير متهيبش بسيله
وراعي الونيت مجازفه ما يفيده
والجيب ماله قدرة في وصوله
أعتق بعمرك وانتبه لا تعيده
عبدالله الوايلي - حوطة سدير
يا راعي الجيب جر اللي غطس بالشعيب
قبل يزيد الشعيب ويقلع أرماسها
الامن ينصح ولكن ما لقى له مجيب
ناس تجي للمصايب عمد بحساسها
فهد احمد البهلال - الزلفي
مثلك كثير وكل يوم تشوفه
إما غشيم أو فاقد العقل مخموم
لا طاح نقطه راح ينفخ كتوفه
خسر الحلال وصار نادم ومهموم
عبدالكريم النغيمشي - الربيعية
الهايلوكس اللي يبي قزعة الشاص
جا يقطع الوادي وهذي الحصيله
لولا التَّهور كان ياناس ما نماص
ما يدري إن السيل يمكن يشيله
عبدالعزيز بن عبدالله البواردي - شقراء
جل الذي بامره تهل السحايب
وسيمتن هلت من صافي مطرها
شف راعي الهايلكس يبغي العقايب
كنه عن الوديان ما يدري بخطرها
نفل الدوسري - الخرج
الشاص ما هو سفينة نوح
يطفح على السيل ويعدي
خذ الحذر لا تصيّر الروح
جثه تحت ناي منهدي
سعود بن عبدالعزيز الهزاع - نعام
يا الله لا تنكر على المسلمينا
يوم طلعوا للبر فرحين بامطار
ترى الشعيب مليان طينا
فيه المآسي والاخطار
معيض مليح الغضوري
الجيب محدن بالمماشي يماشيه
يمشي على المويا ويمشي على القار
خسران بياعه وربحان شاريه
ولا العراوي يابكر فيه تحتار
وافي احمد السلمي - تيماء
يا راعي الهايلكس أبشر بالفزعة
بالموتر اللي ما يهاب الصعيبات
لا دق الدبل فزاً بناته الأربعه
مصممين الشاص لهذي المهمات
فواز بن سفر الرحيمي - ملهم
نستقبل مشاركاتكم الشعرية
حتى مساء الاثنين
على الفاكس رقم
4871070أو الريميل الخاص بصفحة الخزامى:
khozama@alriyadh.com
زاوية (صوت الصورة) .. ويا هلا.