عقب الحمى صار العشب مثل الأشجار

كتبه للصفحة الشاعر غالب ظاهر الجنيدي من رفحاء ويقول:
بدت تعود الارض وتعود الاشجار
وفي كل محميه غطاء نباتي
وهذا صدى الشعراء للبيت المطروح:
قلت الصحيح وتو زانن الاقفار
بان النبات وزان بارض الفلاتي
ياحلو تنظيم البراري والايجار
امن وامان وجو فيه الحياتي
على برجس المصقر - الرياض
الله على الروض الخضر عقب الامطار
ونشوف بالاقفار حلو النباتي
عقب الحمى صار العشب مثل الاشجار
عادت للارض المجدبه بالحياتي
خالد ابراهيم المرشود - الرياض
شفنا مناظر بديعه تسر الأبصار
الأرض زانت والشجر في نواتي
كل النبات باذرات كبار وصغار
فيها خضار مورقه بعد المماتي
والبر زان وقت ماحموه الأحرار
وزانت نواويره خضر مزهراتي
يالله تجيب الخير وقت الامطار
تروي محامينا وتشبع هواتي
حمد عبدالله الوايلي - حوطة سدير
عز الله ان الارض فزت بالاشجار
صار القرار اللي صدر به حياتي
تبسمن فياضها باحلى الازهار
والشعب كله ملتزم بالوصاتي
عيد فريح الفاران - حايل
سمعا وطاعه ياهل الفعل والكار
متمثلين الامر شي ثباتي
فيها لنا نفع على مر الادوار
والمملكه خضرا وفيها الحياتي
علي مونس الجدي - الرياض
بعد الجفاف الأرض غطَّاها الخضار
واستعادت كِل أرجاها الحياتي
وعادت الأشجار تبهج الأنظار
وغطَّا النبات الارض في كل الجهاتي
وزان سَج الرِّجل بالليل ونهار
وزان مِقْيال الضحى و زان المباتي
وزان فنجالٍ على شبوب النار
وأحلى النسايم مِعْ طيور اِمْغنياتي
في موطنٍ له المهج تهوى المسار
وديرةٍ ياجعل اهلها للغناتي
سعود عائش الحربي - جدة
بيت الأسبوع
بيت الأسبوع للشاعر محمد مرزوق السميري ويقول:
الله على شوف السحاب المراويح
اللي بروقه فوق نجد العذيّه
نستقبل صدى البيت المطروح خلال ثلاثة أيام
من نشر البيت المطروح
على إيميل الصفحة:
rb-khozama@alriyadh.com