سج القدم مادام طاحن الامطار وبان الربيع بكل دار وديره

كان بيت الأسبوع الماضي قد كتبه للصفحة الشاعر عبطان السويدي من حايل ويقول:
سج القدم مادام طاحن الامطار
وبان الربيع بكل دار وديره
وكان صدى الشعراء:
الدار ممطوره على شوف الأبصار
في هالسنه جتنا سيول كثيره
وقتك اجازه واتجه مع هل الدار
يم الفياض الي مزهر خضيره
وفل الحجاج وخل عنك الأسفار
وابيك تحذر جعلها لك سفيره
حافظ على الريضان من كل الأثار
ترى النظافة ماتشوه بصيره
حمد عبدالله الوايلي
غب المطر يا ما حلا شوف الاقفار
جوٍّ ربيعي في خضاره وازاهيره
وسَجْ القدم يحلى مِعِه شبَّة النَّار
وفنجال بنٍّ مِع سوالف ثميره
ومِع موْترِ جِديد ما شاف سِمْسار
وَلا تَرَيَّض بالدروب العسيره
ومِن قبْلهم خَوِي يِذْخر للاسفار
تمْضِي مِعه ساعات وقْتك قِصِيره
سعود عائش الحربي- جدة
حث القدم فالبر مع نبت الازهار
دام المطر جاله شواهد وسيره
فالمملكه شوّفه على مَد الانظار
عان الربيع ملابس الارض خيره
يفرح به اللي للمكاشيت زوار
والبوش وارض ٍ كاحله بالجزيره
مشعل بن صنت العصيمي - الخرج
فل الحجاج يابن الكريمين الاخيار
تلقى في راحة البال فوايد كثيره
وسط الشعيب الخضر خلفات وبكار
مد النظر تنسيك الهموم الخطيره
صالح البشري
مع رفقةٍ بالطيب وافين الاشبار...
قد حصلوا من زين الاخلاق سيره
تلقى مجالسهم بها زين الاثمار..
طيبٍ وعرفٍ والمعاني غزيره
علي الرشيد - رياض الخبرا
من يوم جانا الغيث نطلع من الدار
من حيث ماجات الرشوش الغزيره
فا ا لحمد لله عد ما طايرٍ طا ر
بين الغصون الراويه والمطيره
في رحلتك صاحب رجاجيل واخيار
اهل ا لعلوم الغانمه و البصيره
يقلون باالرحله مغانم ومقدار
تفريج همك بين ديره و ديره
محمد عبدالله الشهري - جبل اثرب
ونس ضميرك قبل قصاف الأعمار
في شوفت الخضره ومبدا العسيره
عيطاً تشوف ابها على مد الانظار
خضر الفياض الواسعات الكبيره
واختر خوين قرم شبّاب للنار
رجلاً خبير وبالدير تستشيره
مدام متعافي وللمشي قدار
اخير لك من غرفتن مستديره
سعود بن ثواب سليم المطيري
بيت الأسبوع
كتبه للصفحة محرر الزاوية عادي الشمري والذي يقول
كثر التشره على الاحباب
يوما تبي تصير وحداني
نستقبل صدى هذا البيت خلال أربعة أيام من نشر البيت على إيميل الصفحة: rb-khozama@alriyadh.com