نطرد ورى الدنيا عسى فالنا فال لاهين ماندري متى الحق ياتي

كتب بيت الأسبوع الماضي الشاعر حمد عبدالله الوايلي من حوطة سدير والذي يقول:
نطرد ورى الدنيا عسى فالنا فال
لاهين ماندري متى الحق ياتي
وهذا الصدى الجميل للبيت المطروح:
يالله يارب السما تستر الحال
يوم اللقاء بالله بعد المماتي
نلهث ورى الدنيا بالشرق وشمال
والله ما ندري متى الموت ياتي
ترى العباده للتقي راس للمال
لعلّي انهجها بقية حياتي
محمد عبدالله الشهري - مكة المكرمة
الله يزين وضعنا بكل الاحوال
بالدين والدنيا نقول الثباتي
اعمارنا فيها قصيرات وطوال
سالين مع سالين ولابه شتاتي
متماسكين بعز والحال بالحال
واعمارنا مصيرها للمماتي
مشعل بن صنت العصيمي - الخرج
على الله التوفيق في كل الاعمال
اللي نقدّمها بعزم وْثباتي
مثل الذي من قبلنا بكل الاحوال
اللي تراوح بين فقر وغناتي
نغرس شجر يثمر ويوجد له ظلال
للي يجي من بعدنا في الحياتي
والله هو العالِم بتحديد الآجال
واللي علينا السعي نحو النجاتي
محمد مقحم المقحم - الرياض
دنيانا يا حمد ما تصمل على حال
تمسي سليم تصبح من عد الأمواتي
اغنم عمرك وأضمن بها افضل أعمال
واملى الصحايف بالصلاه و الزكاتي
ترى الفطين اللي تزهب على الجال
جال الحياه وزاد العمر بالصلاتي
صديق الخزامى
صالح بن إبراهيم السنيدي - الحرييق الوشم
حنا ترا يا ناس ما نقيم رحال
بكره ولا فا ايامنا المقبلاتي
ياجب علينا نحتسب كل الاحوال
للحظه اللي مابعدها حياتي
في البذل والاخلاص في زين الاعمال
مع الحفاظ التام على الصلاتي
مايضيع عند الله للخلق مثقال
اعمال خلقه عنده مسجلاتي
سعود ثواب المطيري - القصيم
شبنا .. وحنا نرسم لعمرنا آمال
ثلثين عمري ضاع لأجل أمنياتي
كان المحبة يا بشر حسب الأفعال
ما أخطي على نفسي وأنا أحب ذاتي
يالله طلبتك عفو في يوم الأهوال
وترجح بحسناتي على سيئاتي
عبدالله حمد الوايلي - حوطة سدير
كن نثق باللي رحم حالنا حال
ما خاب من بالليل لله يشتكي
مدام فينا نبض وإيمان وأفعال
يجبر كسرنا ربنا الما ينثني
يجعل بعد كل الضياع اتصال
ونلقى الفرح لو طال دربه واحتوي
يا رب كل اللي دعى واشتكى نال
بشرى قريبة والخطا ما ينثني
مع خالص الشكر والتقدير
مروة الصديان
بيت الأسبوع
بيت للشاعر الكبير رضا طارف -رحمه الله- والذي يقول:
ماكل هرج نسمعه نستمع له
ولا كل من وصِي على الطيب طابي
نستقبل صدى البيت المطروح خلال ثلاث ايام من نشر البيت المطروح
على إيميل الصفحة:
rb-khozama@alriyadh.com