بيت الشعر وسط القصيدة قريته

لغز الأسبوع الماضي كتبه للصفحة الشاعر منير مذكر متعب العضياني
والذي يقول:
أنشدك عن بيت ن لو انك بنيته
مايسكنه بانيه لو ماملك بيت
ول عجبك بنيانه وصفت مؤكيته
تبي توقف عنده ولا تعديت
وكانت الحلول كثيرة جدا والذي توصل الرمعة الصحيحة:
اللغز حليته بساعة قريته
بيت القصيده صح ياصاحب البيت
خالد ابراهيم المرشود -الرياض
الحل اظنه بالقوافي هقيته
بيت الشعر ياللي مع اللغز غنيت
سعد المسهوج - الرياض
اللغز وافي كامل كمليته
والحل معروف ولا فيه تشتيت
بيت الشعر وسط القصيدة قريته
ميه بميه صح بابادع البيت
صالح عبدالمحسن الجعفري - الرياض
البارحه لغز الخزامى قريته
واعجبني اللغز وعلى طول حليت
بيت القصيده يارفيقي هقيته
والشعر به عذب وبه شبه حلتيت
رجا عادي الرمال - الرياض
يا منير لغزك بالجريدة قريته.
فكرت بالرمعةوبالحل سميت.
بيت الشعر حله إلى ذاع صيته.
من أجل هذا قمت بالحال رديت.
علي الرشيد - رياض الخبراء
يامرحباواللغزساعت قريته
اعطيك حل بادعه لاتقهويت
بيت القصيد مرتب ذاع صيته
مايمحي لوالزمن داروابطيت
حمد عبدالله الوايلي - حوطة سدير
لغز الأسبوع
كتب لغز الأسبوع الشاعر محمد مقحم المقحم من الرياض ويقول:
أنشدك عن مَطلبْ وكلٍّ يشوفه،
سبب لتحقيق المطالب وحاجات.
الأول وثالث وثاني حروفه،
مَلِك ينادونه بها في اللقاءات.
والخامس ورابع حروفه وقوفه،
خطأ ولكنْ للتمهّل علامات.
نستقبل الحلول خلال «ثلاثة أيام»
من نشر اللغز على إيميل الصفحة:
rb-khozama@alriyadh.com