الامتحان الي يذكّر منِ عصور لازم يعوِّد والنتايج تعدد

كتب لغز الأسبوع الماضي الشاعر جزاع المفضلي من حائل والذي يقول:
أنشدك عن رجل مهيب وله دور
شايب ولكن كل يوم يتجدد
أول وثاني حرف لك ود وسرور
وآخر ثلاث حروف وقت محدد
وعكس آخر الثلاث جاء لحن مجرور
يا فاهم بالغطو قل لا تردد.
ورغم الرمعات الكثيرة وتكرار رمعات أخرى إلا أنه لم يتوصل للحل سوى اثنين فقط ونشكر لهم
إصابة رمعتهما وهما:
يا اللي نظمت اللغز مقصدك مخبور
وانا اشهد انك في كلامك مسدد
الامتحان الي يذكّر منِ اعصور
لازم يعوِّد والنتايج تعدد
محمد مقحم المقحم- الرياض.
يامرحبا بلي كتب لغز مخطور
واضح من حروفه نهج معدد
واجيب حله في بيت وسطور
الامتحان بوصفه اللي مشدد
الى عبرته وانت حاضر مجبور
تجني ثماره في نجاح مسدد
حمد عبدالله الوايلي - حوطة سدير
لغز الاسبوع
كتبه للصفحة معد اللغز الأسبوعي ويقول:
من له الخبره بحل اللغز ياتي
اتمنى لغزي الحاضر يحله
ويش بنت لاش زين ولا حلاتي
بس فيها ملح والقبله من الله
تنكر المعروف مع شين الصفاتي
ومن ملكها ماكسب ياناس غَلّه
الثلاث حروف الاولى ذكرياتي
وكل شى زين لامن جاء بحِلِّه
والثلاث من الحروف التالياتي
عكسها الهقوات ماتت واضمحله
نستقبل الحلول خلال «ثلاثة أيام»
من نشر اللغز على إيميل الصفحة:
rb-khozama@alriyadh.com