اللغز حله ضبّةٍ دون تفصيل يالله عساي اجتزت للاختباري

كتب لغز الأسبوع معد الزاوية ويقول:
انشدك عن بنت تفك الرجاجيل
بنت قديمه ما لها اليوم طاري
لها سنون ولا تحب المواكيل
ومتعلقه بالابو مثل الخزاري
اول وثاني حرف مكروه وحليل
وله نفع يذكر بين بايع وشاري
وقد كانت حلول اللغز أقل بكثير من الأسبوع الماضي وهم:
يا مرحبا ترحيبة الناس بالسيل
باللي له بقلبي مكان ووقاري
عادي عسى دربك سماح وتساهيل
ياستاذنا بالشعر والاختياري
واللغز حله ضبّةٍ دون تفصيل
يالله عساي اجتزت للاختباري
محبكم: صالح الزرير التميمي - الرس
الحل يا عادي بعد فكرٍ طويل
ضبة قفل للباب عن كل ذاري
واليوم بدل قفلها خير تبديل
في كِل شبرٍ يِنوِجد لِه موَاري
سعود عائش الحربي - جدة
سلام مني كثر قطر الهماليل
على رجال ماتهاب الخطاري
الحل ضبة تقفل الباب بالليل
بأول زمان فيه سر وجهاري
علي الرشيد - رياض الخبراء
الحل ضبة يعرفه كل حلحيل
حطوها للبيبان مثل الطواري
هذا جواب اللغز ماهي تماثيل
ياما حلا الفنجال وقت المساري
محمد أبو دحيم - البدائع
لغز الأسبوع
كتب لغز الأسبوع الشاعر عيسى الشلاحي من الرياض ويقول:
ياويش بنت استقبلت للرجالي
وتودع رجال مع الباب الاخر
حروفها خمسة بليا جدالي
معروفة عند اكثر الحضر والبر
ولها سمي علاقته بالجمالي
عند البنات المترفه في زمن مر
اول وثاني حرف جمَع وشالي
واربع حروف الاوله حلف واكثر
نستقبل الحلول خلال «ثلاثة أيام»
من نشر اللغز على إيميل الصفحة:
rb-khozama@alriyadh.com